លោកអនុសេនីយ៍ឯក Nattirut Chotthanaisit មន្ត្រីប៉ូលិសប្រចាំស្រុក Mueang Chonburi ត្រូវបានគេជូនដំណឹងអំពីឧប្បត្តិហេតុ​​នៅឯបន្ទប់ជួលមួយក្នុងភូមិ Bang Plasoi ។

ប៉ូលិសនិងក្រុមអ្នក​សង្គ្រោះបន្ទាន់បានមកដល់កន្លែងកើតហេតុដើម្បីពិនិត្យសាកសពស្ត្រីថៃម្នាក់មិនទាន់ស្គាល់អត្តសញ្ញាណដែលកំពុងគេងស្លាប់នៅលើគ្រែ។ នៅក្នុងបន្ទប់ទឹកប៉ូលិសបានប្រទះឃើញសាកសពបុរសជនជាតិថៃអាយុ ៧០ឆ្នាំម្នាក់​ព្យួរកទៅនឹងបង្អួច។​ តាមការពិនិត្យរបស់ប៉ូលិសបានឱ្យដឹងថា នៅលើជនរងគ្រោះមិនមានស្លាកស្នាមរបួសដោយសារការវាយដំអ្វីនោះទេ។ លើសពីនេះប៉ូលិសបាន​រកឃើញលិខិតមួយដែល​បញ្ជាក់ថា ពួកគេទាំងពីរមានបញ្ហាទាក់ទង​នឹង​បំណុល​ដោយសារតែវិបត្តិមេរោគកូវីដ-១៩។ ​នៅក្បែរគ្រែគេឃើញមានថ្នាំ​កែវទឹកមួយកែវ និងគ្រាប់ថ្នាំមួយចំនួន។

កូនស្រីរបស់ជនរងគ្រោះជាបុរសបានប្រាប់សារព័ត៌មានថា ​ជាធម្មតាឪពុកនាងរស់នៅក្នុងផ្ទះជាមួយម្តាយនាងនិងក្រុមគ្រួសារ។

នាងអះអាងថានាងមិនដែលស្គាល់នារីរងគ្រោះដែលគេងស្លាប់លើគ្រែជានរណា​ឡើយ។ ​ប៉ូលិសជឿជាក់ថាជនរងគ្រោះទាំងពីរប្រហែលជាមានទំនាក់ទំនងសម្ងាត់ជាមួយគ្នា។ ទោះយ៉ាងណាក៏ដោយប៉ូលិសកំពុងបន្តការស៊ើបអង្កេត​រឿងក្តីដ៏ស្មុគស្មាញមួយនេះ៕

កែសម្រួលដោយ៖ ភារ៉ា

ប្រភព៖ The pattaya news 

from： https://tnaot.com/km/m/detail/article/9426934