ក្រុមហ៊ុនអាកាសចរណ៍ ​Thai Air Asia នឹងបើកដំណើរការសេវាកម្មក្នុងស្រុក​​នៅខែកក្កដាខាងមុខនេះ ដោយមាន​​​ទិសដៅជើងហោះហើរសរុបចំនួន២៣ និងមាន២៥ផ្លូវ។

នាយកប្រតិបត្តិរបស់ក្រុមហ៊ុនអាកាសចរណ៍​ Thai Air Asia ​បានប្រាប់កាសែត Associated Press ថាក្រុមហ៊ុនអាកាសចរណ៍​កំពុងចាប់ផ្តើមពង្រីកផ្លូវហោះហើរក្នុងស្រុករបស់ខ្លួន​ជាណ្តើរៗចាប់តាំងពីខែឧសភាម្ល៉េះ ហើយឥឡូវនេះក្រុមហ៊ុនក៏បានត្រៀម​លក្ខណៈជាស្រេចក្នុងការចេញជើរហោះហើរក្នុងស្រុក​ដើម្បីជួយលើកកម្ពស់វិស័យទេសចរណ៍នៅខែកក្កដា។ ​ជើងហោះហើរក្នុងស្រុកដែលបើកដំណើរការវិញរួមមាន​ Chiang Mai-Hat Yai, Chiang Mai-Pattaya, Hat Yai-Pattaya និង Khon Kaen-Hat Yai ​សរុបចំនួន ២៥ផ្លូវ​ និង៦៨ ជើងហោះហើរ (ការធ្វើដំណើរវិលជុំ) ក្នុងមួយថ្ងៃ។

​​​​ក្រុមហ៊ុនអាកាសចរណ៍សន្យាថា​នឹងយកចិត្តទុកដាក់គ្រប់បែបយ៉ាងដើម្បីធានាសុវត្ថិភាពដល់អ្នកដំណើរដូចជា ធ្វើតាមវិធានការសុខភាពរបស់រដ្ឋាភិបាល ការអនាម័យនៅលើយន្តហោះ។ ​អាកាសយានដ្ឋានទាំង៦នៅប្រទេសថៃបានដំណើរការឡើងវិញ ឬកំពុងតែដំណើរការឡើងវិញដូចជា Don Mueang,  Phuket, Chiang Mai, Hat Yai, Chiang Rai, Suvarnabhumi។ អាកាសយានដ្ឋានទាំងនេះមានទាំងជើងហោះហើរក្នុងស្រុកនិងក្រៅប្រទេស។

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9426708