អាជេតា (Ajanta) និង អេលឡូរ៉ា (Ellora) គឺជាភាពល្បីល្បាញបំផុតសម្រាប់ឥណ្ឌា។ វាជាតំបន់រូងភ្នំមួយដែលសុទ្ធសឹងជាសំណង់តាំងសម័យបុរាណមកម្ល៉េះ ហើយអ្វីដែលគួរឱ្យចាប់អារម្មណ៍បំផុតនោះគឺ សំណង់របស់ Ellora ពិតជាអាចច្រលំគ្នានឹងប្រាសាទរបស់កម្ពុជាផងដែរ។ ផ្ទាំងថ្មដ៏ធំសំបើមនេះ មានការតភ្ជាប់គ្នានឹងរូងភ្នំ Ajanta និង Ellora ដែលពោពេញទៅដោយចម្លាក់ម៉ាហារ៉ាសត្រាដែលបង្ហាញពីចម្លាក់គំនូរជញ្ជាំង និងរូបចម្លាក់ល្អបំផុតរបស់ប្រទេសនេះ។

គុហាព្រះពុទ្ធសាសនានៅទីនេះ ត្រូវបានប្រកាសជាសម្បត្តិបេតិកភណ្ឌពិភពលោកដោយអង្គការយូណេស្កូរ អំពីចម្លាក់ព្រះពុទ្ធ Maitreya ប្រាសាទ Kailash និងការរចនាអរូបីយរបស់អារក្សមនុស្ស និងបក្សី។

ប្រាសាទកាឡៃដ៏ស្រស់ស្អាតនៅក្នុងរូងភ្នំអេលឡូរ៉ា

ចម្លាក់និងរូបចម្លាក់នៃរូងភ្នំ Ellora និង Ajanta គឺជាការបង្ហាញពីសាសនាធំៗចំនួន៣ សាសនាចេន សាសនាព្រះពុទ្ធ និងសាសនាហិណ្ឌូ ប្រជាជនឥណ្ឌាតែងគោរពប្រតិបត្តិតាំពីយូរលង់ណាស់មកហើយ។

(រូបភាពដោយ៖ viator)

១. អ្វីដែលអ្នកត្រូវដឹងមុននឹងទៅកាន់ Ajanta

តំបន់នេះពិតជាមានប្រជាប្រិយភាពខ្លាំងណាស់សម្រាប់ទេសចររបស់ប្រទេសឥណ្ឌា។ មួយវិញទៀត វាមានច្រកចេញចូលចំនួនពីរទៅកាន់ Ajanta ដែលនៅក្បែរបំផុតនឹងទីក្រុងជូឡាហ្គុន (Jalgaon) ដែលស្ថិតនៅចម្ងាយប្រមាណ ៦០ គីឡូម៉ែត្រប៉ែកខាងជើង និងទីក្រុងអារ៉ាហ្គាបាដ (Aurangabad) ដែលស្ថិតនៅចម្ងាយ ១០៥ គីឡូម៉ែត្រភាគអាគ្នេយ៍មួយផ្សេងទៀត។ ដូច្នេះ ការមកកាន់ទីនេះ នឹងផ្តល់ជំរើសដំណើរទេសចរណ៍របស់អ្នកកាន់តែច្រើន។

(រូបភាពដោយ៖ aurangabadtourism)

Aurangabad គឺជាទីរួមខេត្តមួយដែលមានអាកាសយានដ្ឋានភ្ជាប់នឹងផ្លូវដែកទៅប៊្លូបៃ (Bombay) និងសណ្ឋាគារទំនើបមួយចំនួនថែមទៀតផង។ អ្នកទេសចរជាច្រើនជ្រើសរើសវាជាកន្លែងចុងក្រោយព្រោះ វាងាយស្រួលសម្រាប់ការបន្តដំណើរទៅកាន់រូងភ្នំ Ellora ផងដែរ។

(រូបភាពដោយ៖ fabhotels)

២. ភាពទាក់ទាញរបស់ល្អាង អាជេតា (Ajanta & Ellora)

រូងភ្នំត្រូវបានគេរកឃើញដំបូងនៅឆ្នាំ ១៨១៩ នៅពេលដែលលោកចនស្មីតជាមន្រ្តីអង់គ្លេសបានជំពប់ជើងដួលលើថ្មដែលមានរាងដូចស្បែកជើងខណៈពេលកំពុងប្រមាញ់សត្វខ្លា។ បន្ទាប់ពីសិក្សាស្រាវជ្រាវអំពីវត្ថុបុរាណរួចមក វាត្រូវបានសន្និដ្ឋានដោយប្រវត្តិវិទូនិងបុរាណវិទូថារូងភ្នំទាំងនេះមានទំនាក់ទំនងជាមួយរាជវង្សវ៉ាកាតា។ ហើយរូងភ្នំចំនួន ២០ ត្រូវបានសាងសង់ក្នុងរាជវង្សវឌ្ឍនាកា (Vakataka) ក្នុងរជ្ជកាលស្តេចហារីសាណា (Harisena) ហើយនៅចុងបញ្ចប់នៃរជ្ជកាលរបស់ព្រះរាជារអង្គនេះ រូងភ្នំទាំងនេះក៏ត្រូវបានគេបោះបង់ចោល។

នៅខាងក្នុងរូងភ្នំអ្នកអាចឃើញចម្លាក់គំនូរដែលបង្ហាញពីជីវិតរបស់ព្រះពុទ្ធ Gautam ហើយក៏មានរឿងរ៉ាវពីរឿងនិទានចាតាកាផងដែរ។ ទីនេះមានបូជនីយដ្ឋានល្អាងថ្មព្រះពុទ្ធចំនួន ៣០ ផ្ទាំងផងដែរ ដែលមានអាយុកាលតាំងពីសតវត្សរ៍ទី ២ មុនគ.ស ដល់ឆ្នាំ ៤៨០ នៃគ.ស ។ នេះជារឿងរ៉ាវដ៏គួរឱ្យចាប់អារម្មណ៍មួយចំនួនអំពីរូងភ្នំ Ajanta។

(រូបភាពដោយ៖ trawell)

ល្អាងអាជេតាមានសាលចំនួនប្រាំដែលជាសាលសម្រាប់ធ្វើអធិស្ឋានចំពោះសាសនា។ 

តំបន់បេតិកភណ្ឌពិភពលោលនេះ គឺជារូងភ្នំមួយដែលធំជាងគេបំផុតនៅលើពិភពលោក។ នៅទីនេះអ្នកមានព្រះពុទ្ធសាសនាចេន វិមានហិណ្ឌូ និងស្នាដៃសិល្បៈផងដែរ។ បន្ទាប់ការរៀបរាប់ត្រួសៗពី Ajanta យើងគួរចូលទៅកាន់ Ellora វិញម្តង។

(រូបភាពដោយ៖ viator)

រូងភ្នំ Ellora គឺជាការរួមបញ្ចូលគ្នានៃរូងភ្នំចំនួន ៣៤ ហើយនេះជាប្រាសាទ Kailasa ដែលត្រូវបានធ្វើឡើងដើម្បីឧទ្ទិសដល់ Lord Shiva ។ អ្វីដែលគួរអោយកត់សំគាល់នោះគឺថា ប្រាសាទនេះត្រូវបានធ្វើឡើងពីការដាប់ផ្ទាំងថ្មធំជាងគេបំផុតនៅលើពិភពលោក ហើយវាមានទីតាំងស្ថិតនៅក្នុងល្អាង ១៦ ។ រូងភ្នំនេះមានភាពស្មុគស្មាញបន្តិចក្នុងការកត់ចំណាំ ដោយរួមមានរូងភ្នំព្រះពុទ្ធសាសនាចំនួន ១២ រូងភ្នំហិណ្ឌូ ១៧ និងរូងភ្នំជៀនចំនួន ៥ ។

រូងភ្នំចេននៅអេលឡូរ៉ាជាសំណង់នៅសតវត្សរ៍ទី ៩ និងទី ១០ ដែលអាចសន្និដ្ឋានថានៅនិកាយឌីមបាបារ។ គុហា ១៥ ដែលត្រូវបានគេស្គាល់ថាជាដាស្សាវតារ៉ា (Dashavatara) ដែលមានប្រជាប្រិយភាពបំផុត យើងអាចមើលឃើញពីការពិពណ៌នាអំពីអវៈយវៈទាំង ១០ របស់ព្រះអម្ចាស់ព្រះវិស្ណុថែមទៀតផង។

(រូបភាពដោយ៖ viator)

(រូបភាពដោយ៖ viator)

២. ពេលវេលាសម្រាប់ទេសចរណ៍

– រូងភ្នំបើកពីម៉ោង ៩ៈ០០ ព្រឹក ដល់ ៥ៈ៣០ ល្ងាច

– ល្អាង Ajanta បិទរៀងរាល់ថ្ងៃច័ន្ទ

– រូងភ្នំ Ellora បិទនៅថ្ងៃអង្គារ

– រូងភ្នំទាំងពីរ Ajanta និង Ellora នឹងបើកព្រមគ្នាតែនៅថ្ងៃបុណ្យជាតិប៉ុណ្ណោះ។

៣. ការធ្វើដំណើរ

ការធ្វើដំណើរទៅមកនៅ Ajanta មិនមែនជាការលំបាកនោះទេ វាផ្តល់នូវជំរើសល្អ ២ ទៅកាន់ទេសចរ ដោយការធ្វើដំណើរតាមផ្លូវដែក និងរថយន្តក្រុង។

សម្រាប់ព័ត៌មានបន្ថែមលើការកក់សំបុត្រ៖ http://www.ksrtc.in/

(រូបភាពដោយ៖ svmchaser)

from： https://tnaot.com/km/m/detail/article/9425543