ពោធិ៍សាត់ ៖ បុរសម្នាក់ជិះម៉ូតូលឿនជ្រុលខ្វះការប្រុងប្រយ័ត្នដួលបោកក្បាល ផ្ទប់ទៅនឹងថ្នល់រួចធ្លាក់ចូលទឹកឈ្លក់ទឹកស្លាប់ហេតុការណ៍នេះបានកើតឡើងនាយប់ថ្ងៃទី២ ខែកញ្ញា ឆ្នាំ២០២០ នៅលើកំណាត់ផ្លូវកៅស៊ូ ស្ថិតនៅភូមិថ្លុកដង្កោ ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ ។

 តាមសម្ដីប្រជាពលរដ្ឋនៅជុំវិញកន្លែងកើតហេតុបានដឹងថា មុនកើតហេតុគេឃើញជនរងគ្រោះជិះម៉ូតូ ១គ្រឿងម៉ាក ហុងដាឌ្រីម ពណ៏ខ្មៅ ពាក់ស្លាកលេខ កំពង់ចាម 1N 3596 ក្នុងទិសដៅពីលិចឆ្ពោះទៅទិសខាងកើត លុះមកដល់កន្លែងកើតហេតុមិនដឹងជាយ៉ាងម៉េចស្រាប់តែដួលឯងៗ បណ្ដាលឲ្យធ្លាក់ស្លាប់បែបនេះតែម្ដង ។

បុរសរងគ្រោះ(ស្លាប់)ឈ្មោះ ចំរើន រ៉េន ភេទប្រុស អាយុ ៣៤ឆ្នាំ ជនជាតិខ្មែរ បច្ចុប្បន្ន រស់ភូមិថ្លុកដង្កោ ឃុំផ្ទះរុង ស្រុកតាលោកសែនជ័យ ខេត្តពោធិ៍សាត់ ករណីនេះគេឃើញអាជ្ញាធរសមត្ថកិច្ចមូលដ្ឋាន ចុះស្រាវជ្រាវ និងពិនិត្យជុំវិញកន្លែងហេតុការណ៍ ដើម្បីធ្វើកំណត់ហេតុប្រគល់សពជូនសាចញាតិ ដើម្បីទទួលយកទៅចាត់ចែងធ្វើបុណ្យតាមប្រពៃណី ៕ ផេង ភាព

from： https://tnaot.com/km/m/detail/article/9656105