យោងតាមការរាយការណ៍នៅអ៊ីតាលីនិងអង់គ្លេសបានឱ្យដឹងថា ខ្សែការពាររបស់ក្លិប Atalanta គឺកីឡាករ Timothy Castagne ឈានដល់ការចុះកុងត្រាជាមួយក្លិប Leicester City រូចរាល់ហើយ ក្នុងតម្លៃខ្លួន ២៥ លានអឺរ៉ូ។

ខ្សែការពារសញ្ជាតិបែលហ្ស៊ិកវ័យ ២៤ ឆ្នាំរូបនេះ បានបង្ហាញខ្លួនលេចធ្លោនៅរដូវកាលមុន ដោយរកបាន ២ គ្រាប់ និងបញ្ជូនបាល់ (assists) ៣ លើក ក្នុងការបង្ហាញខ្លួនចំនួន ៣៣ ប្រកួតឱ្យក្លិប Atalanta។

ការចុះហត្ថលេខាលើកីឡាករ Castagne គឺដើម្បីមកជំនួសខ្សែការពារស្លាបឆ្វេង Ben Chilwell ដែលបានផ្លាស់ទៅកាន់ក្លិប Chelsea ក្នុងតម្លៃខ្លួន ៥៥ លានផោនកាលពីសប្តាហ៍មុន៕

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9654614