ក្លិប Bayern Munich ចេញសេចក្តីប្រកាសមួយនៅលើគេហទំព័រផ្លូវការថា បានចុះហត្ថលេខាជាមួយខ្សែបម្រើស្លាប Mamin Sanyang ពីក្លិប Hoffenheim ក្នុងកិច្ចសន្យារយៈពេល ៣ឆ្នាំ។

ក្លិប Bayern និង Hoffenheim បានព្រមព្រៀងគ្នាជាផ្លូវការ ដោយអនុញ្ញាតិឱ្យខ្សែបម្រើសញ្ញាតិហ្គាំបៀវ័យ ១៧ឆ្នាំ ផ្លាស់មកលេងនៅក្របខ័ណ្ឌ Bundesliga រដូវកាលក្រោយ។ បច្ចុប្បន្នកីឡាករ Sanyang កំពុងលេងឱ្យ Hoffenheim ក្នុងក្របខ័ណ្ឌកម្រិតយុវជន Bundesliga U17 ដោយរកបាន ៩គ្រាប់ នៅរដូវកាលនេះ។

យ៉ាងណាមិញ Bayern បានអះអាងថា Sanyang ជាខ្សែបម្រើមួយរូបដែលមានល្បឿនលឿន ហើយនឹងធ្វើឱ្យក្លិបដទៃគ្រោះថ្នាក់ដោយសារទម្រង់លេងរបស់គេ។

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9422413