ក្រុមកាំភ្លើងធំ Arsenal ទិញបាននូវខែ្សការពារសញ្ជាតិប្រេស៊ីល ដែលលេងឲ្យក្លឹប Lille របស់បារាំង គឺកីឡាករ Gabriel Magalhaes ក្នុងតម្លៃ ២៦លានអឺរ៉ូ កាលពីម្សិលមិញនេះ។

កីឡាករវ័យ២២ឆ្នាំនេះ បានចុះកុងត្រារយៈពេលវែង ជាមួយក្លឹប និងបានស្វាគមន៍ដោយគ្រូបង្វឹកលោក Mike Arteta ផងដែរ ដោយលោកបាននិយាយថា៖ «Gabriel គឺជាកីឡាករដែលមានគុណភាពខ្ពស់ ដែលកាន់តែធើ្វឲ្យយើងមានភាពខ្លាំងក្នុងតំបន់ការពារ»។

Gabriel Magalhaes លេងបានចំនួន ៣៤ប្រកួតគ្រប់កម្មវិធីកាលពីរដូវកាលមុនឲ្យ Lille និងបានជួយក្រុមបញ្ចប់ចំណាត់ថ្នាក់លេខ៤ ផងដែរ៕

ប្រភព៖ BBC

from： https://tnaot.com/km/m/detail/article/9652658