​អ្នកលេងហ្គេមវ័យជំទង់ដ៏ល្បីម្នាក់បានស្លាប់ បន្ទាប់ពី​​ជិះម៉ូតូម៉ាក Ducati ​ ​​បុក​​ដើមឈើមួយដើម។

​

ជនរងគ្រោះឈ្មោះ Chanon Chuchart​ អាយុ ១៧ ឆ្នាំបានបង្កើតវីដេអូ​លេងហ្គេម Grand Theft Auto V ​​ ព្រមទាំងមានអ្នកទស្សនាវីដេអូរបស់គេជាង ១១ ០០០ នាក់​ក្នុង​គណនីយូធូប​ ​និងមានអ្នកតាមដានជាង ១០ ម៉ឺននាក់នៅលើគណនីហ្វេសបុក។

សាក្សីម្នាក់បានប្រាប់អ្នកយកព័ត៌មានទូរទស្សន៍ក្នុងស្រុកថា មានក្រុមជិះម៉ូតូប្រហែល ២០ នាក់បានបើកបរនៅលើដងផ្លូវក្នុងខេត្ត​ Nakhon Nayok ​។ ​នៅពេលកំពុងជិះតាមបណ្តោយផ្លូវ ជនរងគ្រោះបានជ្រុលចង្កូតទៅបុកសញ្ញាចរាចរណ៍ហើយក៏ហួសទៅបុកនឹងដើមឈើដែលនៅជាប់នឹងដងផ្លូវ។ ​ក្រុមសង្គ្រោះបន្ទាន់និយាយថា ​ជនរងគ្រោះរងរបួសធ្ងន់ហើយបានស្លាប់ភ្លាមៗនៅនឹងកន្លែងកើតហេតុភ្លាមៗ។ ​មុនពេលជួបគ្រោះថ្នាក់១ថ្ងៃ ​ជនរងគ្រោះបានបង្ហោះ​រូបថតខ្លួនឯងជាមួយ​ម៉ូតូ Ducati ពណ៌ក្រហមរបស់គេ ​ព្រមទាំងសរសេរសារថារូបគេនឹងធ្វើដំណើរកម្សាន្តជាមួយមិត្តភក្តិ។ អ្នកគាំទ្ររបស់​ជនរងគ្រោះមួយចំនួនបានបង្ហោះវីដេអូនៅលើយូធូបដើម្បីរំ​ឮកដល់​ជនរងគ្រោះ៕  

 កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9650668