ដោយសារតែអាកាសយានិ​​ក និយាយពីបញ្ហា​កូវីដ​១៩​​ ទើបបណ្តាលឲ្យយន្តហោះ Airbus A320 ធ្លាក់នៅទីក្រុង​​ការ៉ាជី ភាគខាងត្បូង​ប៉ាគីស្ថាន ដោយបានសម្លាប់មនុស្ស ៩៧នាក់ ។

សារព័ត៌មានរ៉យទ័រ បានផ្សាយថា រដ្ឋមន្ត្រីអាកាសចរណ៍ប៉ាគីស្ថាន លោក Ghulam Sarwar Khan បានប្រកាសពីរបាយការណ៍ ស្តីអំពីគ្រោះថ្នាក់ធ្លាក់យន្តហោះរបស់ក្រុមហ៊ុនអាកាសចរណ៍ Pakistan International Airlines កាលពីថ្ងៃទី​២២ ខែឧសភា បណ្តាលឲ្យមនុស្ស​ ៩៧នាក់ស្លាប់ ក្នុងចំណោមមនុស្សនៅលើយន្តហោះ​៩៩នាក់។

មុនពេលហោះហើរយន្តហោះ មិនមានបញ្ហាបច្ចេកទេសណាមួយនោះឡើយ។ ចំណែក្រុមហោះហើរក៏មានសុខភាពល្អផងដែរ ។ ប៉ុន្តែអាកាសយានិកទាំងពីរ រវល់តែនិយាយអំពីបញ្ហាកូវីដ​១៩ ពេលកំពុងហោះហើរ ទើបបណ្តាលឲ្យមានករណីគ្រោះថ្នាក់បែបនេះកើតឡើង។

សារព័ត៌មាន​រ៉យទ័រ បានផ្សាយថា​ អាកាសយានិកទាំងពីររូប គឺបានល្មើសនឹងបទបញ្ជារ​សុវត្ថិភាព ​ដែលបានជជែករឿងរ៉ាវ មិនពាក់ព័ន្ធនឹងការហោះហើរ។

សារព័ត៌មាន The Express Tribune បានដកស្រង់សម្ដីរបស់រដ្ឋមន្ត្រីអាកាសចរណ៍​ប៉ាគីស្ថាន ​បានឲ្យដឹងថា «ក្នុងរយៈពេល​កន្លះម៉ោង​ចុងក្រោយ នៃការហោះហើរ​ គឺខ្លឹមសារដែលអាកាសយានិកពីររូបនិយាយគ្នា មានការពាក់ព័ន្ធឹនងបញ្ហាកូវីដ១៩​។ អាកាសយានិកទាំងពីររូបបានបែកអារម្មណ៍ ដោយសារតែគ្រួសាររបស់អាកាសយានិកទាំងពីររូប រងផលប៉ះពាល់ដោយសារតែកូវីដ​១៩៕ ប្រែសម្រួលដោយ MEO

from： https://tnaot.com/km/m/detail/article/9421468