ម៉ូតូ​ទំនើបផុតលេខ តម្លៃ​កប់ស៊េរីជាង​១២ម៉ឺនដុល្លារអាមេរិក ត្រូវបាន​គេបើកបរសាកល្បង​​​​​នៅក្នុងប្រទេសបារាំង​ ។ នេះបើតាមប្រភពព័ត៌មាន​បានផ្សាយ​កាលពីថ្ងៃទី២៤ ខែមិថុនា ឆ្នាំ២០២០។

ម៉ូតូនេះ​មានកម្លាំង​រហូតដល់​១៨០សេះ សហការផលិតឡើងជាប្រវត្តិសាស្ត្រ​ដោយក្រុមហ៊ុនចំនួន​ពីរ គឺក្រុមហ៊ុនផលិតរថយន្ត Aston Martin ប្រទេសអង់គ្លេស និង​ក្រុមហ៊ុនផលិតម៉ូតូ Brough Superior ប្រទេសអង់គ្លេសដូចគ្នា ។ 

វាត្រូវបានដាក់ឈ្មោះហៅថា ម៉ូតូ AMB 001 ផលិតដោយក្រុមហ៊ុនផលិតរថយន្តAston Martin និងក្រុមហ៊ុនផលិតម៉ូតូ Brough Superior ។ បើតាមក្រុមហ៊ុន​បានបញ្ជាក់ថា គេផលិតដំបូង​តែចំនួន​១០០គ្រឿងប៉ុណ្ណោះ ។ 

នៅពេលបច្ចុប្បន្ន គំរូ​ម៉ូតូ​នេះត្រូវបានដាក់នៅ​​តំបន់ Pau-Arnos ទីក្រុង Pau ភាគនិរតី​ប្រទេសបារាំង ដើម្បីធ្វើតេស្តប្រអប់លេខ ដែលជាញឹកញាប់គឺជាប្រអប់លេខ​ធ្លាប់បានឃើញ​ដាក់នៅលើរថយន្ត​កង់បួន​របស់ក្រុមហ៊ុន Aston Martin ។

អំឡុងពេលនេះ វិស្វករ​មកពី​ក្រុមហ៊ុន Brough Superior ចាប់ផ្តើមវាស់ស្ទង់​សមត្ថភាពសំខាន់ៗ​របស់ម៉ូតូ AMB 001 នេះ ក៏ដូចជាការបង្កើនល្បឿន​របស់វា និងតួ​លេខហ្វ្រាំង​​ជាដើម ក៏ប្រហែលជាចំណុចដែលត្រូវកែសម្រួល​ ។ 

ម៉ូតូAMB 001 គឺជាប្រភេទម៉ូតូធំ វាបំពាក់ដោយម៉ាស៊ីនភ្លោះ Turbocharged V-twin កម្លាំង​១៨០សេះ ហើយទម្ងន់​របស់វា​ត្រឹមតែជាង​១៧៩គីឡូក្រាមប៉ុណ្ណោះ ។ ទម្ងន់ស្រាលបែបនេះ ត្រូវបានរចនាឡើងដោយប្រើជាតិសរសៃកាបូនសម្រាប់រូបរាងរបស់វា ។

ម៉ូតូ AMB 001 គ្រោងនឹងចាប់ផ្តើមផលិតនៅរោងចក្ររបស់ក្រុមហ៊ុន Brough Superior ប្រចាំនៅទីក្រុង Toulouse ប្រទេសបារាំង នៅរដូវស្លឹកឈើជ្រុះនេះ​។ ការផលិតដំបូង​ត្រឹមតែ ១០០គ្រឿងប៉ុណ្ណោះ ហើយតម្លៃសម្រាប់មួយគ្រឿងគឺចាប់ ១០៨,០០០ អឺរ៉ូ ឬប្រហែល ១២១.៦៧៥ ដុល្លារប៉ុណ្ណោះ ។ 

អ្វីដែលគួរឱ្យចាប់អារម្មណ៍នោះ គឺថាអាចមានយានកង់ពីរបន្ថែមទៀតនាពេលអនាគតរបស់ក្រុមហ៊ុន Aston Martin ។ នៅឯការពិព័រណ៌ម៉ូតូ AMB 001 កាលពីឆ្នាំមុន ក្រុមហ៊ុន Aston Martin បាននិយាយថា វាគ្រាន់តែជាជំពូកដំបូងនៅក្នុងភាពជាដៃគូដែលទើបបង្កើតថ្មីជាមួយក្រុមហ៊ុន Brough Superiorតែប៉ុណ្ណោះ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9421395