Sign In 
អាល្លឺម៉ង់ ៖ ជារឿងមួយដ៏គួរឲ្យភ្ញាក់ផ្អើល ខណៈដែលអ្នកគាំទ្របាល់ទាត់ម្នាក់របស់ក្លិប Stuttgart នៅលីគកំពូលអាល្លឺម៉ង់ Bundesliga បានបង្កើតគេហទំព័ររៃអង្គាសប្រាក់ជួយក្លិបដែលខ្លួនគាំទ្រ ដើម្បីចុះហត្ថលេខាលើកីឡាករ Lionel Messi។
អនាគតរបស់ Messi កំពុងតែគ្របដណ្តប់យ៉ាងខ្លាំងក្នុងវិស័យបាល់ទាត់ និងសារព័ត៌មាននៅជុំវិញពិភពលោក។ ក្នុងនោះលោក Tim Artmann ដែលជាអ្នកគាំទ្រដ៏ស្មោះស្មគ្រ័របស់ក្លិប Stuttgart បានបង្កើតកម្មវិធីរៃអង្គាសប្រាក់មួយ តាមរយៈប្រព័ន្ធអនឡាញ។
គោលដៅនៃការរៃអង្គាសប្រាក់នេះ មានគោលបំណងឲ្យសម្រេចបាន ៩០០លានអឺរ៉ូ ដើម្បីព្យាយាមប្រមូលសាច់ប្រាក់អស់ទាំងនេះ ជួយក្លិបទិញយកខ្សែប្រយុទ្ធអន្តរជាតិអាហ្សង់ទីន និងជាប្រធានក្រុម Barcelona។ ហើយគិតត្រឹម ៥ ថ្ងៃចាប់តាំងពីការបង្កើតគេហទំព័រនេះ វាទទួលការបរិច្ចាគពីសំណាក់សប្បុរសជនបានជិត ១,៣០០ អឺរ៉ូ។
ការពិពណ៌នានៅលើគេហទំព័រ GoFundMe បានសរសេរថា «យើងជាអ្នកគាំទ្រ VfB កំពុងធ្វើការប្រមូលលុយ ដើម្បីទូទាត់សម្រាប់ការផ្ទេររបស់កីឡាករ Lionel Messi»៕ ផ្តល់សិទ្ធិដោយ៖ កោះសន្តិភាព
