ភ្នំពេញ​៖​ បុរសម្នាក់បានរងរបួសធ្ងន់ត្រូវបានរថយន្តសង្គ្រោះរបស់កងពលតូច៧១១​ ដឹកយកទៅមន្ទីរពេទ្យព្រះកុសុមៈភ្លាមៗ បន្ទាប់ពីជួបគ្រោះថ្នាក់ចរាចរណ៍ជិះម៉ូតូជ្រុលទៅបុករថយន្តដែលបត់ឆ្លងផ្លូវ​ កាលពីវេលាម៉ោង១២និង២០នាទីរសៀលថ្ងៃទី១ ខែកញ្ញា​ ឆ្នាំ២០២០​ នៅចំណុចមុខច្រកចូលសាលាពេទ្យ​ តាមបណ្តោយផ្លូវជាតិលេខ៣​ ស្ថិតក្នុងសង្កាត់ចោមចៅទី២ ខណ្ឌធិ៍សែនជ័យ​។

តាមសាក្សីនៅកន្លែងកើតហេតុបានឲ្យដឹងថា​ មុនពេលកើតហេតុគេបានឃើញរថយន្តម៉ាកតាកូម៉ា​ ពណ៌ទឹកប្រាក់​ ពាក់ស្លាកលេខភ្នំពេញ2AZ-8574​ ធ្វើដំណើរតាមបណ្តោយផ្លួវជាតិលេខ៣​ ក្នុងទិសដៅពីត្បូងទៅជើង ខណៈមកដល់ចំណុចកើតហេតុក៏ទាញចង្កូតបត់ឆ្វេងបំណងត្រឡប់ទៅក្រោយវិញដោយមិនបានបើកភ្លើងស៊ីញ៉ូនោះទេ ភ្លាមៗនោះស្រាប់តែមានបុរសម្នាក់ជិះម៉ូតូម៉ាកប៊ីត​

ពណ៌ខៀវ​ លាយស​ ពាក់ស្លាកលេខភ្នំពេញ1GS-9384 ធ្វេីដំណេីរស្របគ្នាមកពីក្រោយចាប់ហ្វ្រ័ងមិនទាន់ក៏ជ្រុលទៅបុកពីចំហៀងដួលចូលក្រោមរថយន្តរងរបួសធ្ងន់ក្រោយកើតហេតុជនរងគ្រោះត្រូវបានរថយន្តសង្គ្រោះរបស់កងពលតូច៧១១ដឹកយកទៅសង្គ្រោះនៅមន្ទីរពេទ្យព្រះកុសុមៈ។ បន្ទាប់មកសមត្ថកិច្ចមូលដ្ឋានបានចុះមកដល់ចំណុចកេីតហេតុនិងធ្វេីការសម្របសម្រួលជាមួយម្ចាស់រថយន្តនិងបងប្អូនជនរងគ្រោះ ដោយភាគីខាងរថយន្តចេញថ្លៃជួសជុលនិងថ្លៃព្យាបាលចំនួន៥០០.០០០រៀល(ហាសិបម៉ឺនរៀល)ដើម្បីបញ្ចប់រឿងនៅកន្លែងកើតហេតុ៕ដោយ​ ផេង ភាព

from： https://tnaot.com/km/m/detail/article/9649859