Sign In 
ភ្នំពេញ៖ ជនសង្ស័យ៤នាក់ដែលពាក់ព័ន្ធនិងករណីប្រើប្រាស់គ្រឿងញៀនត្រូវកម្លាំងរបស់អធិការរដ្ឋាននគរបាលខណ្ឌសែនសុខឃាត់ខ្លួនបានជាបន្តបន្ទាប់សមត្ថកិច្ចបានឲ្យដឹងថា ជនសង្ស័យ០២នាក់ ទី១-ឈ្មោះ នល់ ភារម្យ ភេទប្រុស អាយុ២០ឆ្នាំ ជនជាតិខ្មែរ មុខរបរជាងឈើ ស្នាក់នៅក្នុងរោងសិប្បកម្មឈើ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ និង ២-ឈ្មោះ រិទ្ធ ភារម្យ ភេទប្រុស អាយុ២៥ឆ្នាំ ជនជាតិខ្មែរ មុខរបរជាងឈើ ស្នាក់នៅក្នុងរោងសិប្បកម្មឈើ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ឃាត់ខ្លួនបាននៅចំណុចផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។ នៅថ្ងៃទី៣១ ខែសីហា ឆ្នាំ២០២០ វេលាម៉ោង២២ និង៣០នាទី ប៉ុស្តិ៍នគរបាលភ្នំពេញថ្មី ។ ចាប់យកក្រាមសថ្លា០២កូនថង់តូច , ទូរស័ព្ទដៃ០១គ្រឿង និងម៉ូតូ០១គ្រឿង សង់កូរ៉េ ០១គ្រឿង ពាក់ស្លាកលេខភ្នំពេញ1A0-1951) ។
ហើយនៅ វេលាម៉ោង០៩នឹង០០នាទីថ្ងៃទី៣១ ខែសីហា ឆ្នាំ២០២០ ប៉ុស្តិ៍នគរបាលគោកឃ្លាង ឃាត់ខ្លួនជនសង្ស័យបានម្នាក់ទៀត ករណីប្រើប្រាស់ដោយខុសច្បាប់នូវសារធាតុញៀន នៅចំណុចផ្លូវ២០១១ ភូមិគោកឃ្លាង សង្កាត់គោកឃ្លាង ខណ្ឌសែនសុខ។ ជនសង្ស័យមានឈ្មោះ សៅ វិចិត្រ ភេទប្រុស អាយុ៣៦ឆ្នាំ ជនជាតិខ្មែរ មុខរបរគ្មាន ស្នាក់នៅ សង្កាត់កាកាប២ ខណ្ឌពោធិ៍សែនជ័យ (ពិនិត្យទឹកនោម) ។ លុះដល់ វេលាម៉ោង១៨ និង០០នាទី ថ្ងៃទី៣១-០៨-២០២០ កម្លាំងប៉ុស្តិ៍នគរបាលឃ្មួញ ឃាត់ខ្លួនជនសង្ស័យបានម្នាក់ទៀត ករណីប្រើប្រាស់ដោយខុសច្បាប់នូវសារធាតុញៀនចំណុចផ្លូវ២០២ ភូមិសែនសុខ៤ សង្កាត់ឃ្មួញ ខណ្ឌសែនសុខ ជនសង្ស័យមានឈ្មោះ ភក្រ័ សុភា ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅភូមិសែនសុខ៤ សង្កាត់ឃ្មួញ ខណ្ឌសែនសុខ (ពិនិត្យទឹកនោម) ។ បច្ចុប្បន្ន ជនសង្ស័យទាំង៤នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ដោយ ផេងភាព
