កាលវិភាគប្រកួតផ្លូវការរបស់ក្របខណ្ឌ័កំពូលអេស្ប៉ាញLa Liga បានចេញជាផ្លូវការហើយកាលពីយប់មិញ ដោយរដូវកាលថ្មី ២០២០-២០២១ នេះនឹងចាប់ផ្តើមលេងនៅថ្ងៃទី ១២ ខែកញ្ញាខាងមុខនេះ។

អ្វីដែលអ្នកគាំទ្ររង់ចាំបំផុតនោះគឺថ្ងៃបរិច្ឆេទរបស់ការប្រកួតដ៏ធំនាលីគអេស្ប៉ាញ ក៏ដូចជាពិភពលោក El Clasico រវាងក្លឹប Real Madrid និង Barcelona។ ជំនួបដ៏ធំនេះនាលីគ La Liga ជើងទី១ នឹងធ្វើឡើងនាថ្ងៃទី២៥ ខែតុលាខាងមុខក្នុងសប្តាហ៏ទី៧ នៅកីឡាដ្ឋាន Camp Nouនិងជើងទី២ ធ្វើឡើងនាថ្ងៃទី ១១ ខែមេសា ឆ្នាំ ២០២១ ក្នុងសប្តាហ៏៣០ នៅកីឡាដ្ឋាន Bernabeau។

គួរបញ្ជាក់ផងដែរថា Real Madridគឺជាជើងឯកក្នុងលីគ La Liga កាលពីរដូវកាលមុន និង Barcelona ជាអ្នកតាមពីក្រោយចំណាត់ថ្នាក់លេខ២ ហើយក្នុងរដូវកាលក្រោយនេះ ក្លឹបទាំងពីរនឹងមានការពង្រឹងសមត្ថភាពក្រុមរៀងៗខ្លួន ដើម្បីដណ្តើមជើងឯកសារជាថ្មីម្តងទៀត។

ប្រភព៖ Goal

from： https://tnaot.com/km/m/detail/article/9648937