អ្នកបើកបរម្នាក់បានលង់ទឹក​ស្លាប់ ក្រោយពេលបើកបររថយន្តស្ទូចអីវ៉ាន់ចល័តទម្ងន់ ២៥តោន ​ធ្លាក់ចូលប្រឡាយដែលនៅតាមដងផ្លូវ ដោយគាត់បានជាប់នៅ​ក្នុងរថយន្តនោះ។

លោក  Vacharapong Sosuebngam មន្ត្រីប៉ូលិសស្រុក ​Tha Muang បាននិយាយថាឧប្បត្តិហេតុនេះបានកើតឡើងនៅវេលាម៉ោងប្រហែល ៤ និង ១៥នាទី ល្ងាចថ្ងៃចន្ទនៅតាមដងផ្លូវ​រោងចក្រម្សៅមួយ​ក្នុងភូមិ Moo២ ក្នុងឃុំ Wang Sala នៃស្រុក Tha Muang ។

រូបតំណាង

ជនរងគ្រោះលោក Thanakorn Boonsri បានបើករថយន្តស្ទូចត្រឡប់ទៅក្រុមហ៊ុនវិញបន្ទាប់ពីបញ្ចប់ការងារ។ ដោយសារទម្ងន់របស់រថយន្តធ្ងន់ពេកទើបបណ្តាលឱ្យគែមផ្លូវបាក់ស្រុតចុះ ហើយរថយន្តធ្លាក់ទៅក្នុងប្រឡាយទឹក ទាំងដែលអ្នកបើកបរក៏ជាប់នៅក្នុងនោះដែរ។ ​ក្រុមអ្នកសង្គ្រោះបាន​ហៅរថយន្តស្ទូចមួយគ្រឿងទៀត ដើម្បី​ជួយលើករថយន្តដែលធ្លាក់ទឹកនោះចេញ។​ លោក Thanakorn ត្រូវគេជួយសង្រ្គោះបានរយៈពេល១ម៉ោងក្រោយកើតឧប្បត្តិហេតុ ប៉ុន្តែវាយឺតពេលទៅហើយ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9414820