បាត់ដំបង៖ករណីគ្រោះថ្នាក់ចរាចរណ៍មួយរវាងរថយន្តនឹងម៉ូតូកាលវេលាម៉ោង៨និង១០ព្រឹក ថ្ងៃទី៣០ខែ សីហាឆ្នាំ២០២០ ស្ថិតនៅត្រង់ចំណុចក្រុមទី៣១ ភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង ។

ប្រភពពីសម្ថកិច្ចមូលដ្ធានដែលនៅកន្លែងកើតហេតុបានឲ្យដឹងថា ហេតុការណ៏គ្រោះថ្នាក់ចរាចរណ៌មួយកើតឡើងនៅត្រង់ចំណុចកើតហេតុរវាងម៉ូតូនឹងរថយន្ដ រថយន្តម៉ាកហុីយិនដាយពណ៌ខៀវ ពាក់ស្លាកលេខភ្នំពេញ ៣B:៧៤៣០ បើកបរ​ទិសដៅពីជើងទៅត្បូង លុះដល់ចំណុចខាងលើក៏បានជ្រុលទៅបុកជាមួយនិងម៉ូតូម៉ាកហ្វីណូ ពណ៌ក្រហម ពាក់ស្លាកលេខភ្នំពេញ១Z:៦១៣១ ពេញទំហឹងតែម្តង។

បើតាមការឲ្យដឹងពីសម្ថកិច្ចដដែលបានបញ្ជាក់បន្ថែមថា មូលហេតុ៖មកស្ត្រីរងគ្រោះបានជិះម៉ូតូឆ្លងកាត់ថ្នល់ផ្លូវលំឡើងមកផ្លូវកៅស៊ូលិចទៅកើត មិនមានការប្រុងប្រយ័ត្នលុះពេលឡើងដល់ថ្នល់ហើយក៌៏ត្រូវរថយន្តបុកចំពេញទំហឹងបណ្តាលអោយស្លាប់អ្នកបើកបរម៉ូតូក្រោយពេលបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត។

ស្ត្រីជាជនរងគ្រោះឈ្មោះគីរី សន្យា ភេទស្រី អាយុ៣៥ឆ្នាំ មុខរបរលក់ដូរ មានទីលំនៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង ។

ក្រោយពេលកើតហេតុសម្ថកិច្ចនគរបាលជំនាញស្រុកសង្កែបានចុះមកវាស់វែងធ្វើកំណត់ហេតុ ដោយឡែកអ្នកបើកបររថយន្តក្រោយកើតហេតុរួចក៏បានគេចខ្លួនបាត់ស្រមោលតែម្តង។

ចំណែកម៉ូតូនិងរថយន្តរក្សាទុកនៅអធិការនគរបាលស្រុកសង្កែ សិនរងចាំដោះស្រាយទៅតាមនីតិវិធីច្បាប់។ចំណែកសាកសពត្រូវបានប្រគល់យកទៅឲ្យក្រុមគ្រួសារសាច់ញាតិយកធ្វើបុណ្យតាមប្រពៃណីនៅថ្ងៃដដែលផងដែរ៕ដោយ៖សួង សាម

from： https://tnaot.com/km/m/detail/article/9642901