ជនអនាថា​ម្នាក់ត្រូវបានចាប់ខ្លួននៅព្រឹកនេះ ​ក្នុងទី​ក្រុង Pattaya ​​ពីបទប្រើដុំឥដ្ឋវាយបំបែកកញ្ចក់​រថយន្តមួយគ្រឿងដែលកំពុងចត​នៅលើផ្លូវក្បែរឆ្នេរ Pattaya។

ហេតុការណ៍នេះបានកើតឡើងនៅម៉ោង ១២ និង ៣០ នាទី​រំលងអធ្រាត្រ​នៅលើផ្លូវ​ក្បែរឆ្នេរ Pattaya។ ​​ជនសង្ស័យមិនស្គាល់អត្តសញ្ញាណ​មានអាយុប្រហែល ៣៥ ឆ្នាំ ​ហាក់ដូចជាមានជំងឺផ្លូវចិត្ត​​ព្រមទាំងមិនអាចឆ្លើយសំនួររបស់ប៉ូលិសបាន។ ​​​អ្នកស្រី Sirikwan Srivech អាយុ ៣០ ឆ្នាំជាម្ចាស់រថយន្តដែលរងការខូចខាតនោះ ​មិនបានឃើញជនល្មើសយកដុំឥដ្ឋគប់លើឡានផ្ទាល់ភ្នែកទេ ប៉ុន្តែ​អ្នកស្រីបានឮសំឡេងបែកកញ្ចក់ឡាន​ ហើយក៏បានរត់ទៅកន្លែងកើតហេតុភ្លាមៗ​ព្រមទាំងទូរសព្ទទៅប៉ូលិសក្រុង Pattaya  បន្ទាប់ពីបានឃើញ កញ្ចក់ឡានរបស់​អ្នកស្រីបានបែក។ លោកស្រី Sirikwan បានបញ្ជាក់ថា អ្នកស្រីមិន​មានគំនុំ ឬធ្លាប់ជួប​ជនសង្ស័យ​ពីមុនឡើយ។

ជនសង្ស័យត្រូវបានចាប់ខ្លួន​ និងត្រូវបាននាំខ្លួនទៅកាន់អធិការដ្ឋាននគរបាល​ក្រុង pattaya។  ប៉ូលិសបានបញ្ជាក់ថា ជនសង្ស័យនឹងត្រូវប្រឈមមុខ​ការចោទប្រកាន់ផ្លូវច្បាប់និងត្រូវទទួលការព្យាបាលផ្លូវចិត្តផងដែរ។ ជនល្មើសដដែលនេះក៏ធ្លាប់ត្រូវបានចាប់ខ្លួន​កាលពីប៉ុន្មានសប្តាហ៍មុនពីបទគប់ដុំថ្ម​ទៅលើ​រថយន្តដែល​កំពុងបើកបរនៅលើផ្លូវជាតិលេខ ២ ក្នុង​ក្រុង pattaya ផងដែរ៕ 

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9642472