អតីតទីប្រឹក្សាសន្ដិសុខសេតវិមាន បានអះអាងថា រហូតមកដល់ពេលនេះ មេដឹកនាំកូរ៉េខាងជើង កំពុងតែសើចចំអកយ៉ាងខ្លាំងដាក់ប្រធានាធិបតីអាមេរិក លោក ដូណាល់ ត្រាំ ជុំវិញទំនាក់ទំនង រវាងមេដឹកនាំទាំង២នេះ។

លោក John Bolton អតីតទីប្រក្សាសន្ដិសុខជាតិអាមេរិក បានថ្លែង កាលពីថ្ងៃទី២១ ខែមិថុនា ថា លោកគិតថា នៅពេលនេះ មេដឹកនាំកូរ៉េខាងជើង លោក គីម ជុងអ៊ុន កំពុងតែសើចចំអកយ៉ាងខ្លាំងដាក់ប្រធានាធិបតីអាមេរិក លោក ដូណាល់ ត្រាំ ចំពោះគំនិតរបស់គាត់ ជុំវិញទំនាក់ទំនង​របស់មេដឹកនាំ នៃប្រទេសទាំង២នេះ។

លោក Bolton បានថ្លែងទៅកាន់សារព័ត៌មាន ABC ថា លិខិតជាច្រើនច្បាប់ ដែលប្រធានា​ធិបតី​អាមេរិក បានបង្ហាញដល់សារព័ត៌មាន…ត្រូវបានសរសេរដោយមុខងារមួយចំនួន នៅ​ក្នុងការិយាល័យរបស់​បក្ស​ពលករកូរ៉េខាងជើង។ «ខ្ញុំគិតថា លោក គីម ជុងអ៊ុន នឹងសើចយ៉ាងខ្លាំងពីរឿងនេះ» ។ លោកប្រធានាធិបតី មើលទៅមេដឹកនាំកូរ៉េខាងជើង ដូចជាការទុកចិត្តលើទំនាក់ទំនងនោះស៊ីជម្រៅណាស់។ ប៉ុន្ដែមិត្តភាពមិនមែនស្ថិតក្នុងចំណោមទំនាក់ទំនងការទូតនោះឡើយ។

អតីតទីប្រឹក្សាសន្ដិសុខរូបនេះ បានបន្ថែមថា ខ្ញុំគិតថា ​លោក Trump មិនសមនឹងតំណែងនោះទេ ហើយសង្ឃឹមថា លោក ត្រាំ ទទួលតំណែងជាប្រធានាធិបតីតែមួយអាណត្តិប៉ុណ្ណោះ។ ​ក្នុងនាមជាប្រធានាធិបតីនោះ លោក ត្រាំ  មានចំណុចជាច្រើន មិនអាចដោះស្រាយបាន ជាពិសេស ករណីកូវីដ១៩ ជាដើម៕ ប្រែសម្រួលដោយ Nuon

from： https://tnaot.com/km/m/detail/article/9411880