បុរសជនជាតិថៃមិនស្គាល់អត្តសញ្ញាណម្នាក់បានរងរបួសធ្ងន់ធ្ងរ​ បន្ទាប់ពី​ជ្រុលចង្កូតម៉ូតូបុក​ទ្រូងផ្លូវនៅ​ទីក្រុង pattaya។

ឧប្បត្តិហេតុនេះបានកើតឡើងនៅម៉ោងប្រហែល ២ និង ៣០ នាទីរំលងអធ្រាត្រ​ ​នៅលើផ្លូវរថភ្លើងក្បែរវត្តTham Samakkhi​ ភូមិ Soi Khao Talo។ សាក្សីម្នាក់ឈ្មោះ​ Thosaphon Sri Kromaraj អាយុ ៤៦ ឆ្នាំ កំពុងបើកឡានទៅផ្ទះជាមួយមិត្តភក្តិបានប្រទះឃើញជនរងគ្រោះកំពុងដេកសន្លប់នៅលើដងផ្លូវក្បែរម៉ូតូរងការខូចខាតមួយគ្រឿង​ ភ្លាមៗនោះ​ពួកគេក៏បាន​ហៅក្រុមសង្គ្រោះបន្ទាន់មកដើម្បីពិនិត្យជនរងគ្រោះ។

​តាមសាក្សីនៅក្បែរនោះបានឱ្យដឹងថា ជនរងគ្រោះដែលមានអាយុ​ប្រហែលសាមសិបឆ្នាំ​បើកបរក្នុងល្បឿនលឿនហើយជ្រុលចង្កូតទៅបុកទ្រូងផ្លូវ​។

ក្រុមគ្រូពេទ្យមកពីមន្ទីរពេទ្យបាងកករួមជាមួយអ្នកជួយសង្គ្រោះបន្ទាន់ Sawang Boriboon បាន​បញ្ជូនជនរងគ្រោះ​ដែលកំពុងសន្លប់បាត់ស្មារតីទៅមន្ទីរពេទ្យ។ បច្ចុប្បន្ន ជនរងគ្រោះកំពុងដេកសន្លប់បាត់ស្មារតី​ក្នុងមន្ទីរពេទ្យនៅឡើយ៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9642309