ទូរសព្ទ Samsung Galaxy A41 របស់ក្រុមហ៊ុន Samsung បានមកដល់ការិយាល័យផ្សព្វផ្សាយរបស់យើងហើយ ដែលមាន ៣ពណ៌សម្រាប់ជ្រើសរើស។

ទូរសព្ទ Galaxy A41 មាន Helio P65 SoC ដែលដំណើរការប្រព័ន្ធប្រតិបត្តិការ Android One-based One UI 2 និងដំណើរការដោយប្រព័ន្ធ Android 10 ។ ទូរសព្ទនេះភ្ជាប់មកជាមួយរូបសណ្ឋាននៃអង្គចងចាំ RAM ទំហំ 4GB និងអង្គផ្ទុកទិន្នន័យខាងក្នុងទំហំ 64GB។ ប៉ុន្តែកុំបារម្ភព្រោះស្មាតហ្វូននេះមានរន្ធដោតកាត microSD សម្រាប់ពង្រីកទំហំផ្ទុកវាបាន។

ទូរសព្ទ Galaxy A41 នេះ ត្រូវបានបង្កើតឡើងនៅជុំវិញអេក្រង់ទំហំ 6.1inch ប្រភេទ Super AMOLED Infinity-U នៃកម្រិតបង្ហាញ 2400×1080-pixel ។

ផ្នែកខាងក្រោយរបស់ទូរសព្ទ Galaxy A41 ដែលមានលំនាំស្រដៀងនឹងព្រាលគឺជាកន្លែងដែលមានកាមេរ៉ាបីជាន់ ដាក់នៅជ្រុងខាងឆ្វេងផ្នែកខាងលើ ដែលមានកាមេរ៉ាខាងក្រោយរហូតទៅដល់ 48MP ជាមួយថាមពលថ្ម 3 500 mAh ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9411445