ក្នុងរយ:ពេល២៤ម៉ោងកន្លងមកនេះ មានអ្នកឆ្លងកូវីដ១៩ ជាង១៨៣ ០០០នាក់ និងស្លាប់ជិត៥ពាន់នាក់ ធ្វើឲ្យចំនួនអ្នកឆ្លងសរុប នៅលើពិភពលោក កើនឡើងជាង៩លាននាក់ និងស្លាប់ជាង៤៧ម៉ឺននាក់។

អង្គការសុខភាពពិភពលោក ហៅកាត់ WHO បានសរសេរ នៅក្នុងព្រឹត្ដិបត្ររបស់ខ្លួន កាលពីថ្ងៃទី២១ ខែមិថុនា ថា ក្នុងរយ:ពេល២៤ម៉ោងកន្លងមកនេះ មានការឆ្លងកូវីដ១៩ ចំនួន១៨៣ ០២០នាក់ និងស្លាប់៤ ៧៤៣នាក់។ ការឆ្លង និងស្លាប់ដោយសារកូវីដ១៩ថ្មីនេះ បានធ្វើឲ្យចំនួនអ្នកឆ្លងកូវីដ១៩ កើនឡើងដល់ជាង៨,៧លាននាក់ និងស្លាប់ជាង៤៦ម៉ឺននាក់។ ស្ថិតិអ្នកឆ្លង និងស្លាប់ដោយសារកូវីដ១៩នេះ គឺអង្គការសុខភាពពិភពលោក ទទួលបានទិន្នន័យជាផ្លូវការពីបណ្ដាប្រទេសនានា នៅជុំវិញពិភពលោក។

ទ្វីបអាមេរិក ត្រូវបានកត់ត្រា ក្លាយជាតំបន់មានអ្នកឆ្លងកូវីដ១៩ច្រើនជាងគេបំផុត នៅលើពិភពលោក ដោយមានអ្នកឆ្លងកូវីដ១៩ ចំនួន ៤ ២៧៩ ៨៥៤នាក់ ។ ប៉ុន្ដែនៅក្នុងរយ:ពេល២៤ម៉ោងមកនេះ មានករណីឆ្លងថ្មីចំនួន ១១៦ ០៤១នាក់ និងចំនួនអ្នកស្លាប់ថ្មី ចំនួន ៣៣ ២៤១នាក់ ធ្វើឲ្យចំនួនអ្នកស្លាប់សរុប កើនឡើងដល់ ២១៩ ១៤៤នាក់។

ទ្វីបអឺរ៉ុបមានអ្នកឆ្លងកូវីដ១៩ ចំនួន ២ ៥២៧ ៦១៨នាក់ និងស្លាប់ ១៩៣ ០៨៦នាក់។ ប៉ុន្ដែក្នុងរយ:ពេល២៤ម៉ោងកន្លងមកនេះ មានការឆ្លងថ្មី ចំនួន១៧ ៩២២នាក់ និងស្លាប់ ៤៤២នាក់។

តំបន់សមុទ្រមេឌីទែរ៉ាណេខាងកើត មានអ្នកឆ្លងកូវីដ១៩ ចំនួន ៨៩៧ ៤០៣នាក់ និងស្លាប់ ២០ ០៧៥នាក់ ដោយគិតត្រឹម ថ្ងៃទី២១ ខែមិថុនា ឆ្នាំ២០២០។ ប៉ុន្ដែក្នុងរយ:ពេល២៤ម៉ោងមកនេះ មានការឆ្លងថ្មី ១៨ ៩៧៥នាក់ និងស្លាប់ ៥១៥នាក់។

បើតាមគេហទំព័រ Worldometer បានផ្សាយ នៅព្រឹក ថ្ងៃទី២២ ខែមិថុនា ថា បើគិតត្រឹមវេលានេះ នៅលើពិភពលោក មានអ្នកឆ្លងកូវីដ១៩ បន្ដកើនឡើងដល់​ ៩ ០៤៦ ០៨០នាក់ ក្នុងនោះមានអ្នកជាសះស្បើយ ៤ ៨៣៨ ៣៤៥នាក់៕ ប្រែសម្រួលដោយ Nuon

from： https://tnaot.com/km/m/detail/article/9411335