Diego Costa មានពាក្យចចាមអារ៉ាមថា រូបគេនឹងអាចត្រលប់មកកាន់ Premier League សាជាថ្មី ដោយចូលរួមជាមួយក្រុមមាន់ខ្នាយមាស Tottenham Hotspur។

Costa អាចនឹងចាកចេញពីអេស្ប៉ាញ ក្រោយពីខកចិត្ដទៅនឹងទម្រង់លេងរបស់ Atletico Madrid កាលពីរដូវកាលមុន។

បើយោងតាមសេចក្ដីរាយការណ៍ក្នុងប្រទេសអង់គ្លេស និងអេស្ប៉ាញ បានរាយការណ៍ថា Spur អាចនឹងផ្ដល់ឱកាសដល់កីឡាករវ័យ៣១ឆ្នាំនេះ បញ្ចេញសមត្ថភាពរបស់ខ្លួនសាជាថ្មីនៅរដូវក្ដៅខាងមុខនេះ ដោយចូលរួមជាមួយក្រុមដឹកនាំដោយលោក Jose Mourinho។

សូមបញ្ជាក់ថា Costa ស៊ុតបញ្ចូលទីត្រឹម១០គ្រាប់ប៉ុណ្ណោះក្នុង La Liga ចាប់តាំងពីការវិលត្រលប់វិញកាលពីឆ្នាំ២០១៧៕

ប្រភព៖ Sportbibble

from： https://tnaot.com/km/m/detail/article/9637305