Sign In 
រាសីក្នុងថ្ងៃនេះអ្នកកើតឆ្នាំឆ្លូវ ខាល រោង រកា ច ចំពោះរឿងស្នេហា បើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អបំផុត
តាមក្បួនហោរាសាស្ត្រ ថ្ងៃសៅរ៍ ១១កើត ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៩ ខែសីហា ឆ្នាំ២០២០ ឆ្នាំច ឆុងជាមួយរោល។
សូមមើលរាសីរបស់លោកអ្នកក្នុងថ្ងៃនេះ ៖
ឆ្នាំជូត
រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតរបស់លោកអ្នកមានសភាពរដិបរដុបច្រើនបន្តិចពិសេសការប្រកបការងារមានផលលំបាកច្រើនជាងភាពរលូនល្អទៅមុខ។ចំពោះក្នុងរង្វង់គ្រួសារទោះមានការស្ងប់ស្ងាត់បន្តិចពិតមែនក្តីតែមានការខ្វាយខ្វល់រាប់រយជំពូក។
ជំនួញ ៖ ការជួញទីជិតឆ្ងាយចូរប្រយ័ត្នជួបគ្រោះចាញ់បោកគេនិងការមានជម្លោះវិវាទណាមួយជាមួយក្រុមមនុស្សនៅក្បែរខ្លួន។
ស្នេហា ៖ ស្នេហាប្រុសស្រីមានការប្រឆាំងនិងបង្កការថ្នាំងថ្នាក់ចំពោះគ្នាច្រើន។
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកសម្រេចចិត្តអ្វីតែងផ្តល់ផលល្អនិងហុចផលមកវិញគ្រាន់ជាទីពេញចិត្តផង។
ជំនួញ ៖ ជាឱកាសល្អក្នុងការផ្លាស់ប្តូរមុខរបរឬរើទីកន្លែងលក់ដូរដោយអាចជួបនូវក្តីចម្រុងចម្រើនលូតលាស់ទៅមុខជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ប្រុសស្រីបើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អប្រពៃបំផុត។
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងបញ្ហាការងារនិងបញ្ហាប្រាក់កាសផង។ក្រៅពីនេះក៏តែងផ្តល់ផលល្អសម្រាប់ការទំនាក់ទំនងចរចាអ្វីមួយពីព្រោះថាផ្លែផ្កាល្អៗតែងហុចមកវិញជានិច្ច។
ជំនួញ ៖ បើលោកអ្នកដែលចង់បញ្ចេញទុនរកស៊ីឬចង់បណ្តាក់ទុនអ្វីមួយក៏តែងផ្តល់ផលល្អដោយអាចរកផលកម្រៃគ្រាន់ចិញ្ចឹមគ្រួសារ។
ស្នេហា ៖ កំលោះក្រមុំមានភាពសុខដុមនិងផ្អែមល្ហែមគ្រាន់ជាទីកក់ក្តៅផ្លូវចិត្តជានិច្ច។
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកជួបបញ្ហាប្រទាំងប្រទើសបន្តិចហើយបើខិតខំពុះពារក៏មិនងាយស្រាយចេញឡើយ។
ជំនួញ ៖ ការរកផលចំណូលជួបការលំបាកហើយទាល់តែស្វះស្វែងបន្តិចទើបប្រាក់កាសហូរចូលគ្រាន់ធូរទៅរួច។ការធ្វើដំណើរឆ្ងាយជិតមិនសូវមានសុវត្តិភាពទេគប្បីប្រយ័ត្នប្រយែងបញ្ហាចរាចរបន្តិចទើបប្រសើរ។
ស្នេហា ៖ កំលោះក្រមុំកើតមានការខ្វាយខ្វល់ព្រោះតែម្នាក់ៗកើតមានរកាំចិត្តនិងប្រឆាំងគ្នាច្រើន។
ឆ្នាំរោង
រាសីខ្ពស់ត្រដែត។
ការងារ ៖នៅថ្ងៃនេះការប្រកបការងារអ្វីឃើញថាតែងឆ្លើយតបនូវផ្លែផ្កានិងហុចផលមកវិញគ្រាន់ជាទីកក់ក្តៅផង។
ជំនួញ ៖ ការធ្វើជំនួញមិនថាទីឆ្ងាយជិតតែងទទួលជោគជ័យដោយកើបផលចំណេញត្រឡប់មកផ្ទះវិញគួរជាទីកក់ក្តៅ។ការធ្វើដំណើរឆ្ងាយជិតចូរកុំគប្បីបើកបរលឿនព្រោះពុំសូវមានសុវត្តិភាពប៉ុន្មានទេប្រយ័ត្នឧប្បត្តិហេតុយាយី។
ស្នេហា ៖ ប្រុសស្រីមានភាពសុខដុមនិងផ្អែមល្ហែមល្អប្រៀបដូចត្រីនារដូវខែវស្សា។
ឆ្នាំម្សាញ់
រាសីល្អជាមធ្យម។
ការងារ ៖ ក្នុងថ្ងៃនេះដួងរាសីមិនគាប់ប្រសើរប៉ុន្មានទេ ម្ល៉ោះហើយបើទោះបីធ្វើអ្វីក៏ដោយតោងតែប្រយ័ត្នប្រយែងបន្តិចទើបគ្មានបញ្ហានាំឱ្យចូលល្អក់កករទៅរួច។ទាំងបុរសស្ត្រីបើទោះមានរឿងរាវចូលមកកកូរផ្លូវចិត្តបន្តិចក្តីតែក៏មិនមានឧបសគ្គអ្វីនាំទុក្ខព្រួយខ្លាំងក្លានោះដែរ។
ជំនួញ ៖ លោកអ្នកជួបបញ្ហាខ្សត់ខ្សោយអតិថិជន ឯផលកម្រៃទៀតសោតអ្នកខ្លះរកបង្គ្រប់ឆ្នាំងបាយ
សឹងមិនគ្រាន់ផង។
ស្នេហា ៖ ប្រុសស្រីមានការបែរខ្នងដាក់គ្នាច្រើនដោយសារភាពប្រចែប្រច័ណ្ឌកំពុងលុកលុយ ។
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីក៏ដោយតែងជួបប្រទះបញ្ហារាំងស្ទះនិងមានរឿងរាវល្អក់កករចូលយាយីច្រើនផង។ទាំងស្ត្រីបុរសការរស់នៅក្នុងក្រុមគ្រួសារលោកអ្នកគួរប្រកាន់ភាពស្លូតបូតដោយនិយាយឱ្យតិចធ្វើឱ្យច្រើនទើបគ្មានរឿងរាវចម្រូងចម្រាសកើតឡើង។
ជំនួញ ៖ មុខជំនួញមានភាពនៅទ្រឹងមួយកន្លែងហើយផលចំណូលបានត្រឹមមួយទប់ទល់។
ស្នេហា ៖ ប្រុសស្រីមានការរង្គៀសចិត្តនិងចាប់កំហុសគ្នាច្រើន។
ឆ្នាំមមែ
រាសីល្អជាមធ្យម។
ការងារ ៖នៅពេលនេះដំណើរជីវិតរបស់លោកអ្នកមានភាពល្អប្រសើរច្រើននាក់មកហើយ និងទោះប្រកបការងារអ្វីឃើញថាមានភាពគ្រាន់សុខដុមផង។
ជំនួញ ៖ នៅថ្ងៃនេះវិញមិនមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
ស្នេហា ៖ ប្រុសស្រីកុំចង់ទុំមុនស្រគាលប្រយ័ត្នកើតរឿងធំគ្មាននរណាជួយកើតហើយគេបានត្រឹមតែអោបដៃមើល។
ឆ្នាំវក
រាសីល្អជាមធ្យម។
ការងារ ៖នៅថ្ងៃនេះបើលោកអ្នកមានគម្រោងឬចង់ប្រកបកកិច្ចការអ្វីអាចសម្រុកបានហើយពីព្រោះថាផលល្អៗតែងឆ្លើយតបមកវិញមួយចំនួនផង។
ជំនួញ ៖ មិនថាផ្លូវគោកផ្លូវទឹកឬផ្លូវអាកាសក្តីទោះលោកអ្នកខិតខំប៉ុនណាបានត្រឹមមួយទប់ទល់ហើយបើឱ្យសល់ធំដុំនោះគ្មានទេ។ការធ្វើដំណើរឆ្ងាយជិតមានការប្រទាំងប្រទើសជាមួយអ្នកដទៃច្រើនដូចនេះត្រូវប្រុងប្រយ័ត្នជានិច្ចទើបគ្មានបញ្ហាអាក្រក់ៗចូលមកបៀតបៀនយាយី។
ស្នេហា ៖ ប្រុសស្រីកុំគប្បីមានការចាប់កំហុសនិងយកភាពប្រចែប្រច័ណ្ឌដាក់ខ្លួនច្រើននាំឱ្យកើតភាពរកាំចិត្តចំពោះគ្នាប៉ុណ្ណោះ។
ឆ្នាំរកា
រាសីខ្ពស់ត្រដែត។
ការងារ ៖ ក្នុងថ្ងៃនេះមានជោគមានជ័យល្អហើយបើទោះបីលោកអ្នកកាន់កិច្ចការអ្វីក៏ពេញដៃពេញជើងផងដែរ។ការប្រកបការងារមានការចម្រើនលូតលាស់និងធ្វើអ្វីក៏មានជោគមានជ័យថែមទៀត។
ជំនួញ ៖ លោកអ្នកអាចបើកហាងថ្មីឬទិញកន្លែលក់ដូរថ្មីតែងជោគជ័យដូចសមប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ប្រុសស្រីបើមិនទាន់មានគូគាប់កុំឃើញភ្លាមស្រឡាញ់ភ្លែតនាំជួបផលលំបាកនៅគ្រាក្រោយ។
ឆ្នាំច
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកមានភាពល្អប្រសើរគួរសម ហើយបើទោះបីធ្វើអ្វីក៏តែងផ្តល់ផលល្អជាងអាក្រក់ផង។
ជំនួញ ៖ បើលោកអ្នកមានទំនាក់ទំនងល្អជាមួយអ្នកដទៃតែងអាចហុចផ្លែផ្កាល្អណាមួយនៅគ្រាខាងមុខវិញជាក់ជាពុំខាន។ការធ្វើដំណើរទីជិតឆ្ងាយមានតែក្រុមមនុស្សស្វាគមន៍រាក់ទាក់និងជួយជ្រោមជ្រែង។
ស្នេហា ៖ កំលោះក្រមុំបើចង់ផ្សំផ្គុំគ្រួសារឬរៀបអាពាហ៍ពិពាហ៍ជាពេលវេលាល្អប្រពៃព្រោះថាតែងសម្រេចដូចគាប់បំណង។
ឆ្នាំកុរ
រាសីល្អជាមធ្យម។
ការងារ ៖ ក្នុងថ្ងៃនេះលោកអ្នកទោះធ្វើអ្វីក៏ដោយមានការជឿនលឿនទៅមុខតែយ៉ាងណាការប្រកបការងារត្រូវប្រុងប្រយ័ត្នផងពីព្រោះផលអាក្រក់នៅពេលក្រោយតែងមានជាប់ជានិច្ច។ការរស់នៅមានភាពប្រទាំងប្រទើសបន្តិចតែបើលោកអ្នកចេះធ្វើគធ្វើថ្លង់ខ្លះទើបប្រើសើរហោង។
ជំនួញ ៖ ថ្ងៃនេះជួបលើបញ្ហាប្រទាំងប្រទើសច្រើនហើយផលកម្រៃទៀតសោតក៏ហូរចូលដោយតានតឹងណាស់។
ស្នេហា ៖ កំលោះក្រមុំមិនមានការជឿនលឿនទៅមុខទេគឺមានការថយក្រោយច្រើនជាង៕ ប្រភព៖ Cen
