ក្រុមសេះបង្កង់ Juventus ត្រូវបានគេរាយការណ៍ថា បានចូលខ្លួនដើម្បីប្រជែងជាមួយក្រុមមេឃខៀវ Manchester City ក្នុងការនាំយក Lionel Messi ពីក្លឹបអ្នកមានបុណ្យ Barcelona។

Messi កាលពីដើមសប្ដាហ៍នេះ បានបង្កជាភាពភ្ញាក់ផ្អើលយ៉ាងខ្លាំង ក្រោយពីប្រកាសសុំចេញពីក្លឹប បន្ទាប់ពីពេញមួយរដូវកាល Barca មិនបានឈ្នះអ្វីមួយសោះ ជាពិសេសគឺការបរាជ័យធ្ងន់ធ្ងរ ៨-២ ទៅលើ Bayern Munich ក្នុងពានរង្វាន់ Champions League កាលពីពេលថ្មីៗនេះ។

បើយោងតាមសារព័ត៌មាន L’Equipe បានឲ្យដឹងថា ក្លឹបយក្សរបស់អ៊ីតាលីនេះ បានធើ្វការទាក់ទងទៅកាន់ឪពុករបស់ Messi ក្នុងន័យចង់ឲ្យរូបគេចូលរួមជាមួយ Juventus និងបានចាប់ដៃគូរជាមួយ Cristiano Ronaldo។

តើប្រិយមិត្ដគិតថា Messi និងចូលរួមជាមួយក្លឹបណាដែរទៅ បើរូបគេពិតជាចាកចេញពី Barcelona មែននោះ?

ប្រភព៖ Dailymail

from： https://tnaot.com/km/m/detail/article/9637140