ពាក្យចចាមអារ៉ាមទូរសព្ទ Samsung Galaxy Note20 និង Note 20+ នឹងមកដល់នៅថ្ងៃទី៥ ខែសីហាខាងមុខនេះ ដែលត្រូវបានបញ្ជាក់ដោយវេទិកា NFC ដែលនឹងត្រៀមក្នុងការដាក់បង្ហាញជាផ្លូវការ ។

លេខម៉ូឌែលទាំងពីរនេះ ត្រូវបានចុះបញ្ជីនៅលើគេហទំព័ររបស់ NFC ដែលមានលេខ SM-981U និង SM-986U ហើយត្រូវបានគេជឿជាក់ថា សម្រាប់ទូរសព្ទ Galaxy Note20 និង Note 20+ ។ ទោះយ៉ាងណាក៏ដោយវាមិនច្បាស់ថាតើ SM-986U គឺសម្រាប់ Note20 + នោះទេ ព្រោះវាត្រូវបានចុះបញ្ជីនៅលើគេហទំព័រ Bluetooth SIG សម្រាប់ Note20 Ultra ផងដែរ ។

បញ្ជីឈ្មោះនៅលើគេហទំព័ររបស់ NFC មិនមានបញ្ជាក់ពីលក្ខណៈពិសេសនៃស្មាតហ្វូនទាំងពីរនោះទេ ប៉ុន្តែ SM-986U ត្រូវបានគេប្រទះឃើញនៅលើ Geekbench កាលពីខែមេសាជាមួយប្រព័ន្ធប្រតិបត្តិការ Android 10, RAM ទំហំ 8GB ជាមួយ Snapdragon 865+SoC ។

នាពេលថ្មីៗនេះ SM-986U ត្រូវបានគេដាក់បញ្ចូលក្នុងការធ្វើតេស្ត HTML5 ហើយលទ្ធផលបានបង្ហាញថា ស្មាតហ្វូននេះនឹងបំពាក់នូវអេក្រង់ទំហំ 19.3:9 display នៃកម្រិតបង្ហាញ 3096×1444-pixel រីឯអេក្រង់វិញ ត្រូវបានគេនិយាយថាមានអត្រាធ្វើឱ្យស្រស់ 120Hz ។

សម្រាប់ព័ត៌មានត្រកូល Note20 នឹងចេញផ្សាយបន្ថែមទៀតនៅក្នុងប៉ុន្មានសប្តាហ៍ខាងមុខនេះ ហើយសង្ឃឹមថាយើងនឹងទទួលបានព័ត៌មានច្បាស់លាស់ថាតើ SM-986U គឺប្រើសម្រាប់ Note20 + ឬ Note20 Ultra ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9408248