បុរសអាយុ ៤៣ ឆ្នាំម្នាក់ត្រូវបានចាប់ខ្លួនពីបទផលិតគ្រឿង​សម្អាងនិងវេចខ្ចប់នៅក្នុងផ្ទះរបស់គាត់នៅស្រុក Hat Yai ​។ ប៉ូលិសបានរឹបអូសគ្រឿងសម្អាងខុសច្បាប់ដែលមានតម្លៃសរុបប្រហែល ២ លានបាតផងដែរ។

ទាំងប៉ូលិសនិងមន្រ្តី​សុខាភិបាលទទួលបានព័ត៌មាន​ថា មានផ្ទះមួយនៅស្រុក Hat Yai ​បានផលិតនិងវេចខ្ចប់គ្រឿងសម្អាង​ដោយមិនមានការចុះបញ្ជីពីក្រសួងត្រឹមត្រូវទាល់តែសោះ ហើយក្រោយពេលទៅដល់កន្លែងកើតហេតុ ប៉ូលិស​បានរកឃើញក្រែមជាច្រើនប្រភេទប្រើសម្រាប់ធ្វើឱ្យស្បែកស និងបំបាត់មុន ក៏ដូចជា​ប្រអប់វេចខ្ចប់ផលិតផលផងដែរ។ យោងតាមប៉ូលិសបានឱ្យដឹងថា ​គ្រឿងសម្អាងកែច្នៃទាំងអស់មានតម្លៃសរុបប្រហែល ២ លានបាត។

ប៉ូលិសបានចាប់ខ្លួនជនល្មើសដែលជាម្ចាស់ផ្ទះតែម្នាក់គត់គឺលោក Suthep Phetsongsi ​ព្រមទាំងចោទប្រកាន់ពីបទផលិតគ្រឿងសម្អាងខុសច្បាប់ដោយប្រើយីហោ​មិនបានចុះក្នុងបញ្ជីត្រឹមត្រូវ។ គ្រឿងសម្អាងត្រូវបានយកទៅរក្សាទុកនៅអធិការដ្ឋាននគរបាលមូលដ្ឋានដើម្បីធ្វើការស្រាវជ្រាវបន្តទៀត៕  

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9628610