ព្រៃវែង៖ ដោយមានសេចក្តីរាយការណ៍ពីប្រជាពលរដ្ឋថាមានចោរ៤នាក់

បានមកគាស់ទ្វារឡានដឹកស្រូវយកលុយនៅចំណុចរង្វង់មូលស្វាយអន្ទរខណ:នោះដែរលោក អ៊ុង ផាន អធិការស្រុកស្វាយអន្ទរបានដឹកនាំកម្លាំងដោយផ្ទាល់ក៏បានធ្វើការដេញព័ទ្ធស្ទាក់ចាប់បាន២នាក់។

ហេតុការណ៍នេះបានកើតឡើងកាលពីរសៀលថ្ងៃទី២៥ ខែសីហា ឆ្នាំ២០២០ នៅចំណុចរង្វង់មូលស្វាយអន្ទរដោយសារតែមានប្រជាពលរដ្ឋឃើញក្រុមចោរមានគ្នា៤នាក់កំពុងតែធ្វើសកម្មភាពគាស់ទ្វារឡានដឹកស្រូវហើយបានស្រែកឆោឡោនិងប្រជាពលរដ្ឋបានប្តឹងដល់សមត្ថកិច្ចពេលនោះដែរមិនបង្អង់យូរលោក អ៊ុង ផាន អធិការស្រុកស្វាយអន្ទរបានដឹកនាំកម្លាំងដេញព័ទ្ធស្ទាក់ជនសង្ស័យដែលជិ:ម៉ូតូមួយគ្រឿងម៉ាកឌ្រីមសង់សេ១២៥ ពណ៌ខ្មៅពាក់ស្លាកលេខ ភ្នំពេញ: CI 9767 ជិ:ចូលផ្សារឈូកមាសពេលនោះក្រុមចោរឃើញសមត្ថកិច្ចក៏ភ័យស្លន់ស្លោក៏បានជិ:ម៉ូតូរត់គេចបន្តរហូតដល់ប៉ុស្តិ៍នគរបាលព្រៃខ្លាក៏បានបត់ក្រោយមកបុកចំពីមុខរថយន្តរបស់លោកអធិការខណ:ពេលដែលលោកអធិការកំពុងដេញតាមពីក្រោយក៏បណ្តាលរងការខូចខាតយ៉ាងដំណំនឹងបណ្តាលឲ្យជនសង្ស័យម្នាក់រងរបួសបាក់ភ្លៅ។

លោក អ៊ុង ផាន អធិការស្រុកស្វាយអន្ទរបានឲ្យដឹងថាជនសង្ស័យទាំងពីរនាក់នោះជាជនជាតិចិនទី១÷មានឈ្មោះ ជិញ ឈាវ ភេទប្រុស អាយុ៣២ ឆ្នាំ

ទី២÷ឈ្មោះ ធាន ឈួយ ភេទប្រុស អាយុ៣៥ ឆ្នាំនាក់ទាំងពីរមាន

ទីកំណើតនៅភូមិ កានថាង ឃុំ ធីង ធ័ន ស្រុក លាវជាំង ខេត្តគង់ស៊ីជាមួយគ្នា ឃាត់ខ្លួននៅអធិការដ្ឋាននគរបាលស្រុកស្វាយអន្ទរ។ ម្នាក់រងរបួសបាក់ភ្លៅត្រូវបានដឹកយកទៅសង្គ្រោះនៅមន្ទីពេទ្យបង្អែកខេត្តព្រៃវែង។

បច្ចុប្បន្ន សមត្ថកិច្ចកំពុងធ្វើការសាកសួរនឹងកសាងសុំណុំរឿងដើម្បីចាត់ការតាមនិតិវិធីហើយក៏កំពុងស្រាវជ្រាវរកជនសង្ស័យ២នាក់ទៀតដែលជាបក្ខពួកដើម្បីធ្វើការឃាត់ខ្លួនជាបន្តទៀត៕ដោយ÷សួង សាម

from： https://tnaot.com/km/m/detail/article/9627878