បណ្តាញសារព័ត៌មានធំៗនាព្រឹកនេះ បានចុះផ្សាយអំពីដំណឹងនៃការចង់ចាកចេញរបស់កំពូលតារាបាល់ទាត់ Lionel Messi ពីក្លឹបកាតាឡាន់ FC Barcelona។ Messi បានផ្ញើលិខិតទៅប្រធានក្លឹបBarcelona អំពីបំណងរបស់ខ្លួនក្នុងការចាកចេញនេះ។

ការសម្រេចចិត្តចាកចេញរបស់ Lionel Messi នេះបានកើតឡើងក្រោយ Barcelona ទទួលរងបរាជ័យធ្ងន់ក 8 ទល់នឹង 2 ក្រោមថ្វីជើង Bayern Munich និងការរៀបចំក្រុមយ៉ាងគ្មានគុណភាពរបស់ក្លឹប ទើបធ្វើអោយកីឡាករសញ្ជាតិអាហ្សង់ទីនសម្រេចចិត្តចាកចេញពីក្លឹបនារដូវក្តៅនេះតែម្តង បើទោះជាMessi ត្រូវបានធំធាត់ឡើងនាទឹកដី Camp Nou ក៏ដោយ។

គួរបញ្ជាក់ផងដែរថា កុងត្រារបស់ Messiជាមួយក្លឹប Barcelona នឹងត្រូវផុតនារដូវក្រោយទេ តែក្នុងកុងត្រា មានលក្ខខណ្ឌ័ពិសេសមួយគឺ Messiអាចផ្តាច់កុងត្រារបស់ខ្លួនបានមុនមួយរដូវកាលដោយត្រូវប្រាប់ក្លឹបជាមុន។

ប្រភព៖ Sky Sports 

from： https://tnaot.com/km/m/detail/article/9627657