ខ្សែការពារកណ្តាលរបស់ក្លឹបបិសាចក្រហម Victor Lindelofបានត្រឡប់ទៅលេងនៅប្រទេសស៊ុយអែត ពេលសម្រាកនេះជាមួយប្រពន្ធនិងកូនប្រុស មុនពេលការហ្វឹកហាត់ត្រៀមរដូវកាលថ្មីរបស់ Ole មកដល់ក្នុងពេលឆាប់ៗនេះ។

ទោះជាយ៉ាងណា កំឡុងពេលវិស្សមកាលនេះ ខ្សែការពារសញ្ជាតិស៊ុយអែត Victor Lindelof បានតទល់ជាមួយចោរម្នាក់ ដែលបានឆក់កាបូបស្រ្តីវ័យ៩០ឆ្នាំប្លាយ បន្ទាប់ពីចោរបានជិះកង់រួចឆក់យកកាបូបស្រ្តីចាស់កំពុងដើរ និងបានឃាត់ចោរនោះទុកពេល ៥នាទីមុនពេលដែលប៉ូលីសមកដល់ និងធ្វើការឃាត់ខ្លួនចោរនោះ។

ប៉ូលីសបានបញ្ជាក់ថា វាជារឿងដ៏គួរអោយស្ញប់ស្ញែងមួយសម្រាប់ កីឡាករ Lindelof ដែលមានទឹកចិត្តក្លាហាន ចេញមុខការពារនិងជួយមនុស្សចាស់ជរា និងអរគុណដល់ខ្សែការពាររូបនេះផងដែលបានដេញតាមចោរ រហូតដល់ចាប់បាន។

ប្រភព៖ Goal

from： https://tnaot.com/km/m/detail/article/9624480