ភ្នំពេញ៖រថយន្តជនជាតិចិនពីរគ្រឿងបើកលឿនខ្វះការប្រុងប្រយ័ត្នដល់ផ្លូវបំបែកជាបួនបុកគ្នាពេញទំហឹងបណ្តាលឲ្យរថយន្តទាំងសងខាងរងការខូចខាតយ៉ាងដំណំ បង្កងផ្អើលកាលពីវេលាម៉ោង១២និង០២នាទីយប់រំលងអធ្រាត្រឈានចូលថ្ងៃទី២៥ខែសីហាឆ្នាំ២០២០នៅតាមផ្លូវបំបែកជា៤ក្នុងសង្កាត់ស្រះចកខណ្ឌដូនពេញរាជធានីភ្នំពេញ។

ប្រភពព័ត៌មានអ្នកឃើញហេតុការណ៍បានឲ្យដឹងថាមុនដំបូងឡើយគេឃើញរថយន្តម៉ាកព្រូសពណ៍ទឹកសមុទ្រពាក់ស្លាកលេខភ្នំពេញ 2AW-0262 បើកបរដោយជនជាតិចិន២នាក់ធ្វើដំណើរក្នុងទិសដៅពីកើតមកលិចក្នុងល្បឿនលឿនលុះមកដល់ចំណុចផ្លូវបំបែកជាបួនកន្លែងដែលកើតហេតុស្រាប់តែមានរថយន្តមួយគ្រឿងម៉ាកស្តារិចពណ៌ទឹកប្រាក់ពាក់ស្លាកលេខភ្នំពេញ 2AX-0993

បើកបរដោយបុរសជនជាតិចិនម្នាក់រួមដំណើរជាមួយមានគ្នាបី នាក់ទៀតក្នុងទិសដៅពីជើងមកត្បូងល្បឿនយ៉ាងលឿនក៏ជ្រុលទៅបុករថយន្តព្រូសពីចំហៀងផ្នែកខាងក្រោយពេញទំហឹងបណ្ដាលឲ្យរថយន្តស្តារិចរងការខូចខាតផ្នែកខាងមុខយ៉ាងដំណំដោយឡែករថយន្តព្រូសវិញរងកាខូចខាតផ្នែកខាងក្រោយសំណាងល្អគ្មានអ្នករងរបួស។ក្រោយកើតហេតុភាគីទាំងសងខាងបើករថយន្តអែបខាងធ្វើការសម្របសម្រួលគ្នាមួយជំហ៊ានសិន។ ផេង​ ភាព

from： https://tnaot.com/km/m/detail/article/9624355