សំបុកអណ្តើកសមុទ្រទី​១៥ ត្រូវបានគេរកឃើញនៅលើឆ្នេរខ្សាច់មួយ​ស្ថិតក្នុងកោះសាមុយដែលនាំឱ្យចំនួនស៊ុតដែលត្រូវបានរកឃើញ​នៅលើកោះមានចំនួនដល់ទៅជាង ១០០០​គ្រាប់ក្នុងឆ្នាំនេះ។

​អណ្តើកញីមួយក្បាល​បានដាក់ពងនៅក្នុងសំបុកចំនួន៤កន្លែង នៅលើកោះ។ លោក Wichawut Jinto អភិបាលខេត្ត Surat Thani បាននិយាយថា អណ្តើកនោះបានមកដល់ឆ្នេរសមុទ្រម្តងទៀតកាលពីយប់ថ្ងៃចន្ទ ហើយវាបានធ្វើសំបុកទី៥ នៅលើឆ្នេរ​ Ao Thong Nan ​នៃកោះសាមុយ ដែលនាំឱ្យសំបុកសរុបនៅក្នុងកោះមានដល់ទៅ​១៥កន្លែង។

លោកអភិបាលខេត្តបានមានប្រសាសន៍ថា​​ មន្ត្រីបានដាក់របងព័ទ្ធជុំវិញសំបុកទាំងនោះ ​ដើម្បីការពារ​សត្វអណ្តើកនិងពង។ សត្វអណ្តើកដែលមាន​ស្នូក​ប្រវែងបណ្តោយប្រហែល ៨៣សម ទទឹង ៧៦សម និងមានស្លាកនៅលើជើងខាងឆ្វេងរបស់វា​ដែលបានសរសេរថា TH៣៧២ ​តែងតែពងនៅលើកោះសាមុយរៀងរាល់២ឆ្នាំម្តង។ ចាប់តាំងពីដើមឆ្នាំមកដល់ពេលនេះអណ្តើកសមុទ្របានទៅដល់ឆ្នេរនិងដាក់ពងចំនួន ១៥សំបុកដោយមានចំនួនពងសរុបច្រើនជាង ១០០០គ្រាប់។ ក្នុងចំណោមស៊ុតទាំងនេះមានចំនួន ២៦៩ក្បាលហើយដែលបានញាស់ ហើយកូនអណ្តើកសមុទ្រទាំងនោះត្រូវបានដោះលែងទៅក្នុងសមុទ្រ។

លោកអភិបាលខេត្ត Surat Thani បានមានប្រសាសន៍ថា នេះជាដំណឹងល្អសម្រាប់ប្រជាជននៅកោះសាមុយ និងជនជាតិថៃនៅទូទាំងប្រទេស។យោងទៅតាមអ្នកអភិរក្សសត្វអណ្តើកសមុទ្របានឱ្យដឹងថា ជាមធ្យមអណ្តើកសមុទ្រពង ១១០គ្រាប់នៅក្នុងមួយសំបុក ហើយអាចដាក់ពងជាមធ្យមចន្លោះពី២ ទៅ ៨ សំបុកក្នុងមួយរដូវ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9390780