តារាវិទូរូបវិទ្យា មកពីសាកលវិទ្យាល័យកូឡុំបៀ ឈ្មោះ Brian Metzger បានណែនាំថា រលកវិទ្យុសកម្មឆាប់រហ័ស (FRBs)​ ច្រើនប្រភេទ អាចត្រូវពន្យល់បានដោយ “ប្រភេទមេដែកផ្សេងៗគ្នា” ។

យោងតាមការផ្សាយរបស់ទស្សនាវដ្តី Quanta បានបញ្ជាក់ថា ការរកឃើញដ៏គួរឱ្យភ្ញាក់ផ្អើលមួយ ដែលធ្វើឡើងដោយក្រុមតារាវិទូ កាលពីដើម ឆ្នាំ២០២០នេះ បានបង្ហាញឱ្យមនុស្សរាល់គ្នាឃើញនូវប្រភពរលកវិទ្យុសកម្មឆាប់រហ័ស (FRBs) ។

តាមប្រព័ន្ធផ្សព្វផ្សាយដដែលនេះ បញ្ជាក់ថា ការរកឃើញស្ថិតនៅក្នុងសំណួរនេះ ត្រូវបានធ្វើឡើង កាលពីខែមេសា ឆ្នាំ២០២០ នៅពេលដែលក្រុមពិសោធន៍ផែនទីអាំងតង់ស៊ីតេអ៊ីដ្រូសែនកាណាដា (CHIME) បានប្រទះឃើញពន្លឺភ្លឺ នៅជិតផែនដីរបស់យើង ។

លោក Paul Scholz សមាជិកក្រុម CHIME និងជាតារាវិទូ នៅសាកលវិទ្យាល័យតូរុនតូ បានថ្លែងថា “វាបំភ្លឺកែវពង្រីករបស់យើងដូចជាដើមឈើណូអែល” ។

នៅពេល​តារាវិទូ​ ជុំវិញពិភពលោក​​ បានដឹង​អំពី​ការ​អភិវឌ្ឍនេះ បុគ្គលិក​វិទ្យាស្ថានបច្ចេកវិទ្យា​កាលីហ្វ័រនីញ៉ា (Caltech)​បានពន្យល់ទិន្នន័យ​ពីកែវ​យឺតរបស់ពួកគេផ្ទាល់​ និងបានបញ្ជាក់ថា រលកស្ថិតនៅក្នុង​សំណួរ​នោះ គឺពិតជាអាចប្រៀបធៀប​ទៅនឹង​រលក​វិទ្យុសកម្ម​​ឆាប់រហ័ស​ ដែលកំពុងចេញ​ពីខាងក្រៅ​កាឡាក់ស៊ី​របស់យើង ។ 

ក្រោយមកទៀត ការស្រាវជ្រាវជាបន្តបន្ទាប់ បានលើកឡើងថា តាមពិតទៅ សញ្ញាបែបនេះអាចត្រូវបញ្ចេញដោយមេដែក ហើយដែលប្រព័ន្ធផ្សព្វផ្សាយបានបញ្ជាក់ថា “ ការរកឃើញសំណាងតែមួយ” ហាក់ដូចជាបានជួយដោះស្រាយអាថ៌កំបាំងរបស់រលកវិទ្យុសកម្មឆាប់រហ័ស (FRBs)នោះ ។

លោក Jason Hessels មកពីវិទ្យាស្ថាន​សិក្សាស្រាវជ្រាវ​តារាសាស្ត្រ​វិទ្យុសកម្ម​​ហូល្លង់​ និងសាកលវិទ្យាល័យ​អាំស្ទែដាំ​បានបញ្ជាក់ថា ​ វាមិនញឹកញាប់ទេ ដែលអ្នកទទួលបានតម្រុយមួយគួរឱ្យចាប់អារម្មណ៍ខ្លាំងនោះ ។ វាហាក់ដូចជាអាចដោះស្រាយបានភ្លាមៗផងដែរ ។ ជាធម្មតា យើងកំពុងតែជួបបញ្ហាដែលផ្ទុយពីការធ្វើឲ្យមានការរីកចម្រើនទៅមុខ ។

ទោះ​ជាយ៉ាងណាក៏ដោយ ទស្សនាវដ្តី Quanta បាន​ចង្អុលបង្ហាញថា ព្រឹត្តិការណ៍តែមួយ​ ពិតជាមិនអាច​បញ្ជាក់បានថា រលកវិទ្យុសកម្មឆាប់រហ័ស (FRBs) សុទ្ធតែ​ត្រូវបានផលិតឡើងដោយមេដែក​នោះទេ ។ យ៉ាងណា​ក៏ដោយ​ តារាវិទូ​ Brian Metzger បានជំរុញថា រលកវិទ្យុសកម្ម​ឆាប់រហ័ស​ច្រើនប្រភេទ​​​អាចត្រូវបានពន្យល់​ដោយ​«ភាពខុសប្លែកគ្នា​នៃមេដែក» ៕ ប្រែសម្រួលដោយ៖ thach yat 

from： https://tnaot.com/km/m/detail/article/9383832