Sign In 
ករណីបុរសជនជាតិចិនដែលបានស្លាប់ កាលពីយប់ថ្ងៃទី២១ ខែសីហា គឺមិនជាប់ពាក់ព័ន្ធនឹងការផ្ទុកវីរុសកូវីដ១៩ទេ ប៉ុន្តែគឺដោយសារគាំងបេះដូង ខណៈពេលកំពុងរួមភេទ។
ក្រោយពីមានបុរសជនជាតិចិនស្លាប់ភ្លាមៗ ក៏មានការសង្ស័យ ទៅលើការស្លាប់បុរសជនជាតិចិនមួយរូបនេះ នៅខេត្តកំពង់ចាម ថាអាចជាប់ពាក់ព័ន្ធនឹងករណីផ្ទុកកូវីដ-១៩។
ជុំវិញរឿងនេះ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល បានបញ្ចេញរបាយការណ៍ របស់មន្ទីរសុខាភិបាល ខេត្តកំពង់ចាម ដោយបញ្ជាក់ថា នៅថ្ងៃទី២១ ខែសីហា ឆ្នាំ២០២០ មានបុរសជនជាតិចិន អាយុ៤៦ឆ្នាំ បានមកលេងផ្ទះសង្សារគាត់ ដែលជាស្ត្រីជនជាតិខ្មែរ អាយុ ៣៩ឆ្នាំ នៅភូមិអូរស្វាយកើត ឃុំរាយប៉ាយ ស្រុកកងមាស ខេត្តកំពង់ចាម។
ក្រោយមកនៅយប់កើតហេតុ បុរសជនជាតិចិនម្នាក់ បានស្លាប់ភ្លាមៗ នៅពេលរួមភេទ ដែលហេតុការណ៍នេះ បានកើតឡើងនៅស្រុកកងមាស ខេត្តកំពង់ចាម នៅថ្ងៃទី២១ ខែសីហា ឆ្នាំ២០២០។
បើតាមការធ្វើកោសល្យវិច្ច័យ និងការបញ្ជាក់ប្រាប់ពីស្ត្រីជាសង្សារ បានឱ្យដឹងថា បុរសជនជាតិចិនរូបនេះ បានស្លាប់ពេលកំពុងរួមភេទដែរ។
បច្ចុប្បន្ននេះ ក្រុមការងារ និងសមត្ថកិច្ចបានសហការជាមួយក្រសួងមហាផ្ទៃ ដឹកយកសាកសពទៅតម្កល់នៅវត្តទឹកថ្លា ដោយរថយន្តសង្គ្រោះបន្ទាន់របស់មន្ទីរពេទ្យខេត្តកំពង់ចាម៕ ដោយ៖ត្នោត
