ភ្នំពេញ ៖ រថយន្ត២គ្រឿងបោះពួយយ៉ាងលឿនបុកគ្នាពេញទំហឹងបណ្ដាលធ្វើឲ្យរថយន្តទាំងសងខាងរងការខូចខាតយ៉ាងដំណំបង្កភ្ញាក់ផ្អើលវេលាម៉ោង៧និង១២នាទីយប់ថ្ងៃទី២១ខែសីហាឆ្នាំ២០២០ស្ថិតនៅតាមបណ្ដោយផ្លូវ ១៩៦២ក្នុងសង្កាត់ក្រាំងធ្នង់ខណ្ឌសែនសុខរាជធានីភ្នំពេញ។

ប្រភពព័ត៌មានសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្ត មួយគ្រឿងម៉ាក ហ្វតពណ៍សពាក់ស្លាកលេខភ្នំពេញ 3BI-1585 បើកបរដោយបុរសម្នាក់ក្នុងទិសដៅពីលិចមកកើតលុះដល់ចំណុចកើតហេតុក៏មានរថយន្តមួយគ្រឿងម៉ាកកូរ៉ូឡាពណ៌កណ្ដុរប្រមេះពាក់ស្លាកលេខ ភ្នំពេញ 2G-6532 បើកបរដោយស្ត្រីម្នាក់ក្នុងទិសដៅពីរកើតមកលិចបញ្ច្រាស់ទិសគ្នាស្រាប់តែមកដល់ចំណុចកើតហេតុខាងលើរថយន្តហ្វតរេចង្កូតមកខាងឆ្វេងដៃជ្រុលទៅបុករថយន្តកូរ៉ូឡាពេញទំហឹងបណ្ដាលឱ្យរថយន្ត ហ្វត ក្រឡាប់មួយចំហៀងត្រូវបានបងប្អូនប្រជាពលរដ្ឋជួយលើកឡើងវិញចំណែករថយន្តកូរ៉ូឡាវិញរងការខូចខាតផ្នែកខាងមុខយ៉ាងដំណំសំណាងល្អគ្មានអ្នករងរបួស។

ក្រោយកើតហេតុ សមត្ថកិច្ច មូលដ្ឋាន បានចុះមកធ្វើការវាស់វែង យករថយន្តទាំង២គ្រឿងអែបខាងឲ្យតំណាងទាំងសងខាងដោះស្រាយគ្នាមួយសន្ទុះក្រោយមកខាងភាគីរថយន្ត ហ្វត ព្រមចេញថ្លៃខូចខាតទៅម្ចាស់ថយន្តក្ររ៉ូឡាដើម្បីបញ្ចប់រឿងនៅកន្លែងតែម្ដង។ផេង ភាព

from： https://tnaot.com/km/m/detail/article/9613985