ភ្នំពេញ៖រថយន្តដឹកទំនិញមួយគ្រឿងដោយសារអ្នកបើកបរបួងចង្កូតលឿនខ្វះការប្រុងប្រយ័ត្នក៍ជ្រុលទៅបុករះរថយន្តនិងម៉ូតូអូររ៉ឺម៉កបណ្តាលអោយផ្ទុបឡើងលើខឿនទ្រូងផ្លូវ រងការខូចខាតយ៉ាងដំណំសំណាងល្អគ្មានអ្នករងរបួស។បង្កភ្ញាក់ផ្អើល កាលពីវេលាម៉ោង១០និង២០នាទីព្រឹកថ្ងៃទី២១ខែសីហាឆ្នាំ ២០២០ស្ថិតនៅតាមបណ្ដោយផ្លូវ វេងស្រេង ក្នុងសង្កាត់ស្ទឹងមានជ័យ ៣ ខណ្ឌមានជ័យ រាជធានីភ្នំពេញ

ប្រភពបានឲ្យដឹងថាមុនកើតហេតុគេឃើញរថយន្តម៉ាកហ៊ីយាន់ដាយ ពណ៌ ស ពាក់ស្លាកលេខ ភ្នំពេញ 3D-4927 ប្រភេទដឹកទំនិញមួយគ្រឿងបើកបរដោយបុរសម្នាក់ទិសដៅពីលិចមកកើតហើយរថយន្តបានបត់បួងចង្កូតមកស្ដាំដៃក្នុងល្បឿនលឿនជាន់ហ្វ្រាំងមិនទាន់ក៏ជ្រុលទៅបុករថយន្ត ឡិចស៊ីសRX 300មួយគ្រឿងពណ៍ទឹកប្រាក់ ពាក់ស្លាកលេខ ភ្នំពេញ 2AO-4954ធ្វើដំណើរទិសដៅពីត្បួងទៅជើងបណ្ដាលធ្វើឲ្យរងការខូចខាតយ៉ាងដំណំហើយរថយន្តបង្កមិនទាន់អស់ល្បឿនក៏ជ្រុលទៅបុកម៉ូតូអូររម៉កមួយគ្រឿងទៀតពេញទំហឹងបណ្តាលឱ្យខ្ទាតប៉ើងផ្ទុបទៅលើខឿនកណ្តាលផ្លូវរងការខូចខាតទាំងស្រុង។

ក្រោយកើតហេតុ សមត្ថកិច្ច មូលដ្ឋាន បានចុះមកធ្វើការវាស់វែង យករថយន្តទាំង២គ្រឿងនិងម៉ូតូអូររម៉កអែបខាងឲ្យតំណាងទាំងសងខាងដោះស្រាយគ្នាមួយជំហានតែមិនត្រូវទើបសមត្ថកិច្ចយកវត្ថុតាងខាងលើទៅរក្សាទុកនៅផ្នែកជំនាញរងចាំដោះស្រាយគ្នានៅពេលក្រោយ។ផេង ភាព

from： https://tnaot.com/km/m/detail/article/9611176