Sign In 
អស្ចារ្យ! ចម្លាក់ព្រះពុទ្ធរូបយ៉ាងធំមហិមា បង្ហាញរូបរាងកាន់តែច្បាស់លើជញ្ជាំងភ្នំសំពៅ
ព្រះពុទ្ធរូបតាំងសមាធិយ៉ាងធំមហិមា ដែលឆ្លាក់ដោយជាងចម្លាក់កូនខ្មែរលើជញ្ជាំងផ្ទាំងថ្មភ្នំសំពៅ នៅទឹកដីខេត្តបាត់ដំបងជិតរួចរាល់ទាំងស្រុងហើយ។
គម្រោងសាងសង់ព្រះពុទ្ធរូបនេះមាន ៣ប្លង់ រួមមានប្លង់ព្រះពុទ្ធប្រសូត, ត្រាស់ដឹង និងប្លង់ព្រះពុទ្ធចូលបរិនិព្វាន ដែលមានកម្ពស់ពីដីប្រមាណជាង ៣០ម៉ែត្រ។ បច្ចុប្បន្នចម្លាក់ព្រះពុទ្ធត្រាស់ដឹងជិតរួចរាល់១០០%ហើយ ខណៈចម្លាក់ព្រះពុទ្ធចូលបរិនិព្វានកំពុងបន្តឆ្លាក់ជាបណ្ដើរដោយក្រុមជាងមានជំនាញខ្ពស់បំផុត។
បន្ទាប់ពីរំលេចព្រះពុទ្ធបដិមាដ៏ធំមហិមាមួយអង្គនេះផ្លូវការ ភ្នំសំពៅនឹងក្លាយជាទីតាំងប្រវត្តិសាស្ត្រ និងសាសនា ដ៏ទាក់ទាញបំផុតសម្រាប់ភ្ញៀវទេសចរជាតិ និងអន្តរជាតិ។
គួររម្លឹកថាគម្រោងសាងសង់ចម្លាក់ពុទ្ធប្រវត្តិលើភ្នំសំពៅបានចាប់ផ្ដើមនៅឆ្នាំ២០០៦ ប៉ុន្តែដំណើរការសាងសង់ បានត្រឹមរយៈពេលខ្លីប៉ុណ្ណោះក៏ត្រូវផ្អាកដោយសារបញ្ហាបច្ចេកទេស និងហិរញ្ញវត្ថុ ទើបតែពេលនេះកិច្ចការដ៏សំខាន់ខាងលើបានបន្តឡើងវិញ៕
អត្ថបទ៖ Wow Cambodian/ ប្រភពរូប៖ Pros Pich Topman
