ដោយសារប៉ូលិស​មិនបានអនុវត្តច្បាប់ទៅលើជនល្មើសដែល​បានរំលោភក្មេងស្រីនៅក្នុងភូមិភូកេតជាច្រើននាក់ ពេលនេះ​ជនរងគ្រោះកំពុង​តែធ្វើពិធីដាក់បណ្តាសាជនល្មើស។

​អ្នកភូមិបាននិយាយថាជនល្មើសមានការចោទប្រកាន់ពីបទរំលោភផ្លូវភេទយ៉ាងហោចណាស់ ២០ ទាក់ទងនឹងអនីតិជនដែលខ្លះមានអាយុតិចជាង ៥ ឆ្នាំ។ ពួកគេនិយាយថាមានតែបណ្តឹងមួយប៉ុណ្ណោះដែលត្រូវបានប៉ូលិសយកចិត្តទុកដាក់យ៉ាងខ្លាំង​ក្នុងការស៊ើបអង្កេត។ ​តែក្រោយមកជនល្មើសត្រូវបានដោះលែងឱ្យនៅក្រៅឃុំនិងនៅតែរស់នៅក្នុងសហគមន៍​ដូចធម្មតា ហើយ​ជនរងគ្រោះ​សង្ឃឹមថាមន្រ្តីប៉ូលិសនឹងចាត់វិធានការ​និងបញ្ជូន​ជនល្មើសទៅពន្ធនាគារវិញ។ ជនរងគ្រោះបានជួបជុំគ្នានៅសាលសហគមន៍​ Tha Sak ក្នុងតំបន់ Pa Khlok ដើម្បីធ្វើពិធីមួយដោយដុតអំបិលនិងម្ទេស។ ​ពួកគេបានសរសេរបណ្តាសាលើក្រដាសរួចបោះវាចូលក្នុង​ចង្ក្រានធ្យូងដែលមាន​អំបិលនិងម្ទេសនោះ។ ក្មេងស្រីអាយុ ១៧ ឆ្នាំម្នាក់បាននិយាយប្រាប់ Phuket News ថា នាងត្រូវបាន​ជនល្មើស​ហៅឱ្យមកស្នាក់នៅផ្ទះរបស់គាត់​ដោយសន្យាថានឹង​ផ្គត់ផ្គង់ប្រាក់កាសដល់នាង។ គួរបញ្ជាក់ផងដែរថា ម្តាយក្មេងស្រីទើបតែទទួលមរណភាព ហើយនាងត្រូវការកន្លែង​ដើម្បីរស់នៅ។ ពេលស្នាក់នៅក្នុងផ្ទះ ​ជនល្មើសបានចាប់រំលោភក្មេងស្រីរងគ្រោះ ​ក្រោយមកនាងបានរត់ចេញពីផ្ទះ​ប៉ុន្តែចាំបាច់ត្រូវ​ត្រឡប់ទៅយករបស់​សម្ភាររបស់នាងវិញ។ ​ជនរងគ្រោះបន្តថា នៅពេលនាងត្រឡប់មកវិញ​ជនល្មើសព្យាយាមចាប់រំលោភនាងម្តងទៀត។ ក្មេងស្រីនិយាយថាប៉ូលិសមិនទទួលយកពាក្យបណ្តឹងរបស់នាងទេ ​ព្រមទាំងប្រាប់នាងថានាងត្រូវការអាណាព្យាបាលចុះហត្ថលេខាលើបណ្តឹងរបស់នាងក្នុងនាមជាសាក្សី។

រូបតំណាង

លោកតា Chuanpit Ruengdet អាយុ ៧៣ ឆ្នាំមានប្រសាសន៍ថា ចៅស្រីរបស់គាត់​ក៏ធ្លាប់ត្រូវបានបុរសដដែលវាយធ្វើបាបកាលពី ២ ឆ្នាំមុនផងដែរ ដែលចៅរបស់គាត់ទើបតែមានអាយុ ៨ និង ៥ ឆ្នាំប៉ុណ្ណោះ។ ​ក្មេងស្រីដទៃទៀតបាននិយាយថា ជនល្មើសបានគំរាមសម្លាប់ប្រសិនបើ​ហ៊ានប្រាប់រឿងនេះទៅអ្នកផ្សេង។ អ្នកភូមិបានមូលមតិគ្នាថា ប្រសិនបើ​រឿងនេះនៅតែមិនដំណើរការទៅតាមច្បាប់នោះទេ ពួកគេនឹងរាយការណ៍រឿងនេះទៅមូលនិធិ «Pavena ​ការពារកុមារនិងស្ត្រី»៕

កែសម្រួលដោយ៖ ភារ៉ា

ប្រភព៖ the tiger

from： https://tnaot.com/km/m/detail/article/9608583