ជនសង្ស័យមិនស្គាល់អត្តសញ្ញាណម្នាក់បានឆក់យកទូរសព្ទដៃពីនារីម៉ាស្សា ខណៈពេលដែល​ជនរងគ្រោះកំពុងចេញពីធ្វើការ​ក្នុងឃុំ Nongprue​ ប្រហែល​ពាក់កណ្តាលអធ្រាត្រយប់មិញ។

លោក​ Noppadon Raksawaong ​​មន្ត្រីប៉ូលិស​ឃុំ Nongprue ត្រូវបានគេជូនដំណឹងអំពីឧប្បត្តិហេតុនេះនៅវេលាម៉ោង ១២ និង ៣០ នាទីយប់ នៅភូមិ Soi Prapa Nimit ៦។ ប៉ូលិសនិងកាសែត The Pattaya បានទៅដល់កន្លែងកើតហេតុដើម្បី​ពិនិត្យជនរងគ្រោះ​អ្នកស្រី Jan Boonyam អាយុ ៥០ ឆ្នាំ។

​ជនរងគ្រោះបានប្រាប់ប៉ូលិសថា នៅពេល​គាត់កំពុងជិះកង់ត្រឡប់មកពីធ្វើការវិញ ស្រាប់តែមានសារលោតមកក្នុងទូរសព្ទដៃរបស់គាត់។ ​ជនរងគ្រោះបាន​ឆែកមើលទូរសព្ទ​នៅចំពោះមុខជន​ល្មើសដែលកំពុងបើកម៉ូតូ ហើយភ្លាមនោះជនល្មើសក៏​ឆក់ទូរសព្ទដៃនោះ ព្រមទាំងជិះគេចខ្លួនបាត់ទៅតែម្តង។ ប៉ូលិសស្រុក Banglamung កំពុងបន្តការស៊ើបអង្កេត​ដើម្បីតាមដានជនសង្ស័យ​បន្ត ព្រមទាំងពិនិត្យកាមេរ៉ាសុវត្ថិភាពដែលនៅជិតនោះផងដែរ៕   

 កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9608453