Sign In 
ពោធិ៍សាត់ ៖ បុរសម្នាក់គេប្រទះឃើញស្លាប់ក្នុងទឹកប្រឡាយបង្កការភ្ញាក់ផ្អើលនៅវេលាម៉ោង៩ និង៣០នាទី យប់ថ្ងៃទី១៨ ខែសីហា ឆ្នាំ២០២០ ត្រង់ចំណុចក្នុងទឹកប្រឡាយខាងជើងផ្ទះជនរងគ្រោះ ចម្ងាយប្រមាណ៧០ម៉ែត្រ ស្ថិតនៅភូមិត្រាង សង្កាត់ស្វាយអាត់ ក្រុង ខេត្តពោធិ៍សាត់ ។
ប្រភពព័ត៌មានពីកម្លាំងមូលដ្ឋានកងរាជអាវុធហត្ថក្រុងពោធិ៍សាត់បានឲ្យដឹងថា ជនរងគ្រោះ(ស្លាប់)ត្រូវបានគេស្គាល់ឈ្មោះ ឃន ឃី ភេទប្រុស អាយុ ២៩ឆ្នាំ ជនជាតិខ្មែរ បច្ចុប្បន្ន រស់នៅភូមិ សង្កាត់កើតហេតុ ។
ប្រភពព័ត៌មានសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេឃើញ ជនរងគ្រោះបានរាយខ្សែភ្លើងចេញពីផ្ទះចំនួន២ដុំ ភ្ជាប់ជាមួយឬស្សីមានដែកប្រវែងប្រមាណជាង៣ម៉ែត្រ ចំនួន២កំណាត់ ក្នុងគោលបំណងឆក់ត្រីប៉ុន្តែក៍ត្រូវភ្លាត់ស្នៀតឆក់ស្លាប់ខ្លួនឯងតែម្ដង។ 
ករណីនេះសមត្ថកិច្ចបានសហការគ្នាចុះពិនិត្យ និងធ្វើការស្រាវជ្រាវយ៉ាងយកចិត្តទុកដាក់ សមត្ថកិច្ចបានបញ្ជាក់ថាសពស្លាប់ដោយសារចរន្តអគ្គិសនីឆក់ពិតប្រាកដមែនរួចសមត្ថកិច្ចបានធ្វើកំណត់ហេតុប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណី។ផេងភាព
