Sign In 
ភ្នំពេញេ ៖ យុវជន២ នាក់ជិះម៉ូតូឌុបគ្នាដល់ផ្លូវបំបែកជាបួនមិនប្រយ័ត្នត្រូវរថយន្តមិនចាំម៉ាក មកបុកពីក្រោយបណ្តាលឲ្យខ្ទាតទៅបោកក្បាលនឹងបង្គោលថ្មស្លាប់ម្នាក់ របួសម្នាក់ហេតុការណ៍នេះបានកើតឡើងនៅម៉ោង ២រសៀល ថ្ងៃទី១៨ ខែសីហា ឆ្នាំ ២០២០ នៅចំណុចផ្លូវ ៥០ ម៉ែត្រ ក្នុងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ៕
សមត្ថកិច្ចបានឲ្យដឹងថាសពមានឈ្មោះម៉ាន អេង មុខរបរនៅផ្ទះ បច្ចុប្បន្ន ស្នាក់នៅផ្ទះជួលម្តុំទួលពង្រ មានស្រុកកំណើត នៅភូមិស្អាង ឃុំត្រពាំងគរ ស្រុកជើងព្រៃ ខេត្តកំពង់ចាម ប្រភពពត៌មានពីមិត្តភ័ក្តិជនរងគ្រោះ បានឲ្យដឹងថា មុនពេលកើតហេតុខ្លួន និងជនរងគ្រោះដែលអង្គុយពីក្រោយ ជិះជិះម៉ូតូឌុបគ្នាម៉ាកហុងដា ប៊ីត ពាក់ស្លាកលេខ ស្វាយរៀង 1N-2514 ធធ្វើដំណើរតាមផ្លូវ ៥០ ម៉ែត្រក្នុងទិសដៅពីលិច មកកើត បម្រុងទៅយកមិត្តភក្តិនៅតាខ្មៅ ស្រាប់តែមកដល់ចំណុចកើតហេតុផ្លូវបែកជាបួនស្រាប់តែមានរថយន្តមួយគ្រឿងមិនចាំម៉ាកធ្វើដំណើក្នុងទិសដៅ ពីជើង មកត្បូង ស្រាប់តែមកដល់កន្លែងកើតហេតុបានជ្រុលទៅបុកពីក្រោយរួចខ្ទាតម៉ូតូប្រហែល ១០ម៉ែត ជ្រុលទៅបោកក្បាលនឹងបង្គោលថ្ម ចំក្បាលបណ្តាលឲ្យធ្លាយខួរស្លាប់ភ្លាមៗ ចចំណែកអ្នកបើកម៉ូតូរងរបួសស្រាល។
ក្រោយកើតហេតុសមត្ថកិច្ចមូលដ្ឋានចុះមកដល់ សហការជាមួយជំនាញចរាចរណ៍ ស្វែងរកជនបង្កដើម្បីមកចាត់ការតាមផ្លូវច្បាប់ រួចធ្វើកំណត់ហេតុប្រគល់សព ជូនទៅក្រុមគ្រួសារយកទៅធ្វើបុណ្យតាមប្រពៃណីស្រុកកំណើ ៕ផេង ភាព
