Sign In 
បុរសម្នាក់ជួបគ្រោះតាមផ្លូវដោយដោយសារ គ្មានផ្លាកលេខ គ្មានមួក គ្មានភ្លើងបំភ្លឺផ្លូវ!
បុរសវ័យចំណាស់ម្នាក់បានរងរបួសធ្ងន់ បន្ទាប់មកក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្ត ដោយសារតែ
បើកបរក្នុងស្ថានភាពស្រវឹងដោយអត់ពាក់មួកសុវត្ថិភាពថែមទាំងអត់មានភ្លើងបំភ្លឺផ្លូវពេលយប់ ក៏ស្រាប់តែផ្អើលដល់ប្រជាជនដែរនៅជិតហ្នឹងកាលពីម៉ោង៧និង១០នាទីយប់ ថ្ងៃទី១៨ ខែសីហា ឆ្នាំ ២០២០ នៅចំណុចក្បែរក្លោងទ្វារវត្តអូររអិល ស្ថិតនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនរងគ្រោះខាងលើមានឈ្មោះ ព្រាច ភេទប្រុស អាយុ៤៥ឆ្នាំ រងរបួសធ្ងន់ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ដោយបានបើកបរម៉ូតូម៉ាកវ៉េវ (wave) ពណ៌ទឹកប្រាក់លាយខ្មៅ គ្មានផ្លាកលេខ គ្មានមួកសុវត្ថិភាព គ្មានភ្លើងបំភ្លឺផ្លូវ ក្នុងទិសដៅពីកើតទៅលិច ។
បច្ចុប្បន្នម៉ូតូជនរងគ្រោះត្រូវបានក្រុមគ្រួសារមកទទួលយកទៅជួសជុល ចំណែកជនរងគ្រោះក៏ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិនផងដែរ ៕ដោយ៖ត្នោត
