សារព័ត៌មាន​ CNN ​កាលពីថ្ងៃទី​១១ ខែមិថុនា បានផ្សាយថា​ ខ្មាន់កាំភ្លើង​បានបាញ់ប្រហារចូលទីស្នាក់ការប៉ូលិស​ នៅក្នុងតំបន់ San Luis Obispo ទីក្រុង Paso Robles រដ្ឋ California នៅថ្ងៃទី​១១ ខែមិថុនា បណ្តាលឲ្យមានអ្នករងរបួស ​និងស្លាប់ ២នាក់​។

ជនដៃដល់ គឺជាជនជាតិអ៊ិស្លាម ដោយបាញ់ប្រហារពីខាងក្រៅស្នាក់ការប៉ូលិស​។​ នៅពេលនោះ​ ស្នងការរងប៉ូលិសក៏បានចេញមកក្រៅ ហើយខ្មាន់កាំភ្លើងក៏បានបាញ់ចំក្បាលប៉ូលិស បណ្តាលឲ្យរងរបួសធ្ងន់ បញ្ជូនទៅកាន់មន្ទីរពេទ្យជាបន្ទាន់​។ នៅពេលនេះ ស្នងការរងបានឆ្លងផុតពីគ្រោះថ្នាក់ដល់ជីវិតហើយ។

ក្នុងពេលរត់គេចខ្លួន ខ្មាន់កាំភ្លើងក៏បានបាញ់ចំក្បាលបុរសវ័យ​៥៨ឆ្នាំម្នាក់ទៀត បណ្តាលឲ្យស្លាប់នៅនឹងកន្លែង ។​ ក្រុមជំនាញកំពុងតែបើកការស្រាវជ្រាវពីសកម្មភាពបាញ់ប្រហារខាងលើ​ថាតើជា​ ភេរវកម្ម ឬយ៉ាងណា? ការបាញ់ប្រហារកើតឡើង ក្នុងពេលដែលមានបាតុកម្មកើតឡើងប្រឆាំងការរើសអើងជាតិសាសន៍នៅអាមេរិក៕ ប្រែសម្រួលដោយ៖​ MEO

from： https://tnaot.com/km/m/detail/article/9368501