ក្រុមកាតាឡាន់ FC Barcelona បានបណ្តេញគ្រូបង្វឹក Quique Setien ចេញជាផ្លូវការហើយក្រោយទទួលរងបរាជ័យយ៉ាងអាម៉ាស់ ៨ទល់នឹង២ ក្រោមថ្វីជើង Bayern Munich នាវគ្គ៨ក្រុមចុងក្រោយUEFA Champion League។ 

ក្លឹបបានបញ្ចេញសេចក្តីថ្លែងការណ៏ជាផ្លូវការ នៅថ្ងៃថ្ងៃចន្ទ័នេះថា Setien លែងជាគ្រូបង្វឹកឈុតធំរបស់ក្លឹបហើយ និងថាវាជាការសម្រេចចិត្តដំបូងគេដើម្បីពង្រឹងឈុតធំឡើងវិញ ក្រោយមានការធ្លាក់ទម្រង់លេងខ្លាំង និងជារដូវកាលដំបូងបំផុតដែលក្លឹបមិនបានឈ្នះពានអ្វីទាំងអស់ក្នុងមួយរដូវកាល រាប់ចាប់ពីរដូវកាល2007-2008 មក។

យោងតាមប្រភពព័ត៌មាន ESPN គ្រូបង្វឹកដែលក្លឹប Barcelona កំពុងគ្រោងនឹងយកមកជំនួស Setien គឺលោក Ronald Koeman។ Ronald Koeman គឺជាអតីតកីឡាកររបស់ជម្រើសជាតិហូឡង់ និងចាប់ផ្តើមអាជីពជាគ្រូបង្វឹកតាំងពីឆ្នាំ២០០០ ធ្លាប់បង្វឹកក្រុមធំៗដូចជា Ajax Benfica Valencia និងធ្លាប់ជាកីឡាករ និងជំនួយការនៅក្លឹបFC Barcelona ផងដែរ។

ប្រភព៖ ESPN

from： https://tnaot.com/km/m/detail/article/9599878