អតីតប្រធានក្រុមជម្រើសជាតិរុស្ស៊ី កីឡាករ Roman Shirokov បានបង្កកំហុសយ៉ាងធំ ដោយបានដាល់ចូលមុខពេញទំហឹងទៅលើអាជ្ញាកណ្ដាលកាត់សេចក្ដីក្នុងលីគធម្មតាមួយ ក្រោយពីរូបគេទទួលបានកាតក្រហម។

នុងវីដេអូមួយដែលត្រូវបានគេបង្ហោះនោះ បានបង្ហាញសកម្មភាពដោយ Shirokov ព្យាយាមទាមទារបាល់ពិន័យប៉េណាល់ទី។

ក្រោយមករូបគេរត់ទៅរកអាជ្ញាកណ្ដាលដែលមានឈ្មោះថា Nikita Danchenko ហើយក៏បានបន្ដឹងសរសៃកដាក់គ្នា។

ក្រោយមកអាជ្ញាកណ្ដាលនោះក៏សម្រេចឲ្យកាតក្រហមទៅកាន់ Shirokov ប៉ុន្ដែភា្លមៗ ដោយមានកំហឹងទប់មិនបាន Shirokov ក៏បានដាល់ចំពេញមុខអាជ្ញាកណ្ដាលនោះ និងបន្ថែម២ ៣ជើងផងដែរ។

ក្រោយកើតហេតុ Shirokov ត្រូវបានគេចាប់បំបែក ហើយរំលងបានប៉ុន្មានថៃ្ង អតីតប្រធានក្រុមរុស្ស៊ីនេះ បានបង្ហោះសារសុំទោសទៅកាន់អាជ្ញាកណ្ដាលគឺលោក Nikita Danchenko ផងដែរ៕

ប្រភព៖ Sportbibble

from： https://tnaot.com/km/m/detail/article/9598203