Sign In 
រាសីថ្ងៃនេះអ្នកកើតឆ្នាំខាល រោង មមី រកា ចំពោះអ្នកប្រកបការងារ លោកអ្នកធ្វើអ្វីក៏តែងជួបបញ្ហាស្មុគស្មាញ គប្បីរក្សាភាពស្ងប់ស្ងាត់ គួរធ្វើបុណ្យដាក់ទានខ្លះទើបប្រសើរ
តាមក្បួនហោរាសាស្ត្រ ថ្ងៃចន្ទ ១៣រោច ខែស្រាពណ៍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែសីហា ឆ្នាំ២០២០ ឆ្នាំច ឆុងជាមួយរោង។
សូមមើលរាសីរបស់លោកអ្នកក្នុងថ្ងៃនេះ ៖
ឆ្នាំជូត
រាសីល្អជាមធ្យម។
ការងារ ៖ នៅថ្ងៃនេះឃើញថាការប្រកបការងារមានការចម្រើនលូតលាស់សន្សឹមៗទៅមុខហើយធ្វើអ្វីក៏មានភាពសុខដុមគួរសម។
ជំនួញ ៖ ពេលនេះមានការហូរចេញហូរចូលមិនទៀងទាត់ ដូច្នេះមិនគួរផ្សងព្រេងទៅបោះទុនរកស៊ីធំដុំ និងយកទៅលេងល្បែងស៊ីសងទ្បើយនាំជាប់ការកុនខ្លួន។
ស្នេហា ៖ កំលោះក្រមុំវិញមានភាពលូតលាស់ទៅមុខ និងកំពុងស្រុះស្រួលគ្នាប្រពៃ។
ឆ្នាំឆ្លូវ
រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកធ្វើអ្វីក៏តែងមានការជឿនលឿនទៅមុខសន្សឹមៗជានិច្ច។ទោះបីយ៉ាងណាការរស់នៅតែងមានរឿងរាវនិងដំណឹងមិនល្អឈានចូលមកច្រើនផង។
ជំនួញ ៖ការជួញទីជិតឆ្ងាយលាភប្រាក់កាសពុំមានសម្បូរទេ ដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមឆ្នាំងបាយរស់ស្រួលខ្លួន ។
ស្នេហា ៖ កំលោះក្រមុំមានការប្រឆាំងនិងចង់ចាញ់ឈ្នះគ្នាមិនតិចសោះឡើយ។
ឆ្នាំខាល
រាសីស្រុតចុះ។
ការងារ ៖ នៅថ្ងៃនេះលោកអ្នកគប្បីរក្សាភាពស្ងប់ស្ងាត់ ហើយធ្វើបុណ្យដាក់ទានខ្លះទើបប្រសើរ នោះនឹងជួយឱ្យរាល់ឧបទ្រពចង្រៃចៀសចេញទៅឆ្ងាយហើយភាពសុខដុមនឹងកើតមានជំនួសវិញ។
ជំនួញ ៖ បើចង់ជួញធំដុំមិនសូវកាក់កបប៉ុន្មានទេ ពិសេសប្រយ័ត្នជួបគ្រោះចាញ់បោកគេថែមទៀត។ការធ្វើដំណើរឆ្ងាយជិតជួបភាពប្រទាំងប្រទើសនិងក្រុមមនុស្សប៉ងអាក្រក់ច្រើនជាងសព្វមួយដង។
ស្នេហា ៖ ប្រុសស្រីមានភាពផុយស្រួយជម្លោះវិវាទណាស់គួរចេះអត់ឱនឱ្យគ្នាទើបប្រសើរ។
ឆ្នាំថោះ
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកជ្រើសរើសធ្វើអ្វីមួយពីព្រោះថាផ្លែផ្កាតែងហុចមកវិញជានិច្ច។ការប្រកបការងារនិងបញ្ហាប្រាក់កាសមានការលូតលាស់ទៅមុខទោះមិនច្រើនក៏មានការចូលគ្រាន់បំពេញក្រពះផងដែរ។
ជំនួញ ៖ បើមានការសន្យាអ្វីមួយកុំសង្ឃឹមពេកប្រយ័ត្នខកបំណងពីព្រោះមិនដូចសេចក្តីប្រាថ្នាប៉ុន្មានឡើយ។
ស្នេហា ៖ មនុស្សប្រុសស្រីត្រូវចេះទុកចិត្តគ្នា ហើយមិនត្រូវយកភាពប្រចែប្រច័ណ្ឌដឹកមុខឡើយបើពុំនោះទេនឹងបាត់បង់មនុស្សជាទីស្រឡាញ់ជាក់ជាពុំខាន។
ឆ្នាំរោង
រាសីស្រុតចុះ។
ការងារ ៖ នៅថ្ងៃនេះដោយសារដំណើរជីវិតមិនល្អប្រសើរ ដូចនេះបើទោះបីធ្វើអ្វីលោកអ្នកតោងតែប្រយ័ត្នប្រយែងនិងមានចិត្តត្រជាក់ទើបប្រសើរ។
ជំនួញ ៖ ផលចំណូលជួបការលំបាក ប៉ុន្តែយ៉ាងណាលោកអ្នកត្រូវចេះចាយវាយឱ្យបានត្រឹមត្រូវ ហើយមិនត្រូវខ្ជះខ្ជាយដៃធំឡើយក្រែងជួបវិបត្តិថវិកាណាមួយឡើងនៅគ្រាខាងមុខ។
ស្នេហា ៖ ទាំងប្តីប្រពន្ធ ទាំងកំលោះក្រមុំមានដំណើរថយក្រោយ និងសំបូរទៅដោយរឿងរ៉ាវរកាំរកូសច្រើន ដូច្នេះបើមិនចេះអត់ឱនឱ្យគ្នាទេពិតជាជួបផលលំបាកត្រូវរែកពន់វិញជាក់ជាពុំខាន។
ឆ្នាំម្សាញ់
រាសីល្អជាមធ្យម។
ការងារ ៖ នៅក្នុងពេលនេះលោកអ្នកទទួលអារម្មណ៍ស្រស់ស្រាយ ហើយធ្វើអ្វីក៏តែងទទួលជោគជ័យត្រឡប់មកវិញដែរ។
ជំនួញ ៖ ការធ្វើជំនួញពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់ហើយលោកអ្នកប្រកបរបរពេញដៃពេញជើងឡើងវិញ។
ស្នេហា ៖ មនុស្សប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា។
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះបើលោកអ្នកធ្វើអ្វីក៏តែងជួបបញ្ហាស្មុគស្មាញ និងមានរឿងរាវចូលយាយីច្រើននាំពិបាកក្នុងការទប់ទល់។
ជំនួញ ៖ ជំនួញទីជិតឆ្ងាយមានភាពលំនឹងល្អពោលគឺការរកផលចំណូលលោកអ្នកអាចរកបានគ្រាន់បំពេញក្រពះផង។ការធ្វើដំណើរឆ្ងាយជិតជួបភាពប្រទាំងប្រទើសនិងបញ្ហាយាយីច្រើនបន្តិច។
ស្នេហា ៖ ទាំងកំលោះក្រមុំ ទាំងពោះម៉ាយមេម៉ាយក្តីកុំគប្បីភ្លើតភ្លើនហួសព្រំដែនប្រយ័ត្នរែកពន់ទុក្ខសោកមកវិញហើយនាំមានវិបត្តិទៅគ្រាខាងមុខ។
ឆ្នាំមមែ
រាសីខ្ពស់ត្រដែត។
ការងារ ៖ នៅថ្ងៃនេះដោយសារដំណើរជីវិតល្អប្រសើរ ម្ល៉ោះហើយផ្តល់ផលល្អក្នុងការដំណើរការងារឬទទួលបំពេញភារកិច្ចអ្វីមួយផង។
ជំនួញ ៖ បើចង់ផ្លាស់ប្តូរមុខរបរថ្មីឬបើកធ្វើជំនួញតូចធំតែងផ្តល់ផលល្អៗមកវិញជានិច្ច។ ការធ្វើដំណើរឆ្ងាយជិតជួបភាពសុខដុមនិងក្រុមមនុស្សស្វាគមន៍រាក់ទាក់ជានិច្ច។
ស្នេហា ៖ ទាំងកំលោះ ទាំងក្រមុំមានភាពស្រស់ស្រាយនិងផ្អែមល្ហែមប្រពៃ។
ឆ្នាំវក
រាសីល្អជាមធ្យម។
ការងារ ៖ នាពេលនេះលោកអ្នកជួបបញ្ហានឿយហត់ពិសេសរឿងរាវតូចធំតែងចូលយាយីច្រើនទៀតផង។ ទោះបីយ៉ាងណាលោកអ្នកអាចមានជីវិតគាប់ប្រសើរជាងមុនបើសិនមានការព្យាយាមអត់ធ្មត់ក្នុងការបំពេញការងារ។
ជំនួញ ៖ ថ្ងៃនេះចូរប្រយ័ត្នពាក្យសម្តីបន្តិច ព្រោះងាយប៉ះទង្គិចជាមួយមនុស្សនៅជុំវិញខ្លួនបង្កើតជារឿងរាវតូចធំណាស់ ។
ស្នេហា ៖ ទាំងប្រុសទាំងស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការបែកបាក់។
ឆ្នាំរកា
រាសីស្រុតចុះ។
ការងារ ៖ នៅថ្ងៃនេះទោះបីធ្វើអ្វីក៏មិនងាយឆាប់ចប់ និងមានកំហុសច្រើនគប្បីមានការប្រយ័ត្នប្រយែង។ ក្រៅពីនេះការបំពេញការងារលោកអ្នកតោងតែចេះគ្រប់គ្រងអារម្មណ៍ខ្លួនឯង ដោយមិនអាចយកកំហឹងទល់កំហល់បានទេ បើពុំនោះបញ្ហាចម្រូងចម្រាសពិតជាកើតមានទៀតហើយ។
ជំនួញ ៖ បើចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនណាស់។ការធ្វើដំណើរទីជិតឆ្ងាយងាយកើតបញ្ហានិងឧបសគ្គចំពោះមុខច្រើនគប្បីមានការប្រយ័ត្នប្រយែង។
ស្នេហា ៖ ទាំងកំលោះ ទាំងក្រមុំមិនមានការរីកលូតលាស់ទៅមុខទេគឺមានដំណើរថយក្រោយច្រើនជាង។
ឆ្នាំច
រាសីខ្ពស់ត្រដែត។
ការងារ ៖ ក្នុងថ្ងៃនេះដំណើរជីវិតរបស់លោកអ្នកល្អប្រសើរ ដូចនេះបើទោះបីធ្វើអ្វីក៏តែងមានការរីកលូតលាស់និងមានភាពសុខដុមគាប់ប្រសើរ។លោកអ្នកអាចចាប់កាន់កិច្ចការងារសំខាន់ឬកិច្ចការងារធំដុំបានហើយ។
ជំនួញ ៖ ការធ្វើជំនួញទាំងតូចទាំងធំមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំ។ ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តដូចសព្វមួយដង។
ស្នេហា ៖ ទាំងមនុស្សប្រុសទាំងមនុស្សស្រីមានភាពយកចិត្តទុកដាក់និងផ្អែមល្ហែមចំពោះគ្នាល្អប្រពៃ។
ឆ្នាំកុរ
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយទោះបីធ្វើអ្វីក៏ដោយបើមានការសម្រុកពេញទីផលដែលជាផ្លែផ្កាតែងហុចឱ្យមកវិញជានិច្ច។
ជំនួញ ៖ ដោយសារដួងជតារាសីថ្ងៃនេះឡើងខ្ពស់ ដូចនេះលោកអ្នកអាចបើកហាងថ្មីឬទិញកន្លែលក់ដូរថ្មីតែងជោគជ័យដូចសមប្រកបផង។ ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ទាំងកម្លោះក្រមុំ ទាំងពោះម៉ាយមេម៉ាយក្តី បើមិនទាន់មានគូគាប់កុំឃើញភ្លាមស្រឡាញ់ភ្លែតនាំជួបផលលំបាកនៅគ្រាក្រោយ៕ ប្រភព៖ Cen
