រដ្ឋបាលក្រុងបាងកក (BMA) បានបញ្ជាឱ្យសាលាចំនួន ៤៣៧ ស្ថិតនៅក្រោម​​វិធានការរបស់​ក្រសួង​ដែលកំណត់​ចំនួន​សិស្ស​ត្រឹម ៤០០នាក់ក្នុងមួយថ្ងៃ ហើយថ្នាក់នីមួយៗត្រូវមានសិស្សមិនលើសពី ២០នាក់សម្រាប់ឆមាសថ្មីដែលនឹងចាប់ផ្តើមនៅថ្ងៃទី ១ ខែកក្កដាខាងមុខនេះ។​

​

រូបតំណាង

​ BMA បានបែងចែកថ្នាក់នៃសាលារៀនជាបីខ្នាត គឺខ្នាតតូចមធ្យម និងធំ។ សាលាខ្នាតតូចដែលមានសិស្ស ៤០០នាក់ឬតិចជាងនេះនឹងបើកជាធម្មតាតែ​ថ្នាក់រៀនត្រូវមានកំណត់ត្រឹមចំនួនសិស្ស ២០នាក់ ក្នុងមួយ​ថ្នាក់។

រូបតំណាង

សាលារៀនខ្នាតមធ្យមដែលមានសិស្ស​ពី ៤០០ ទៅ ៨០០នាក់នឹងត្រូវចែកសិស្សជាពីរក្រុមដែល​មួយក្រុមត្រូវរៀនក្នុងសាលា និងមួយក្រុមទៀតត្រូវ​​​សិក្សាពីចម្ងាយ​ ប៉ុន្តែសិស្សត្រូវ​រៀនតាមកាលវិភាគរបស់សាលាជាធម្មតា។ សាលារៀន​ខ្នាតធំនឹង​ត្រូវបានអនុញ្ញាតឱ្យតែកម្រិតមត្តេយ្យសិក្សានិងបឋមប៉ុណ្ណោះ​អាចចូលរៀនបាន។ សាលារៀនទាំងអស់ត្រូវមាន​វិធានការអនាម័យ​រួមមាន ការពាក់ម៉ាស​ជាចាំបាច់ ​​ការសម្អាតដៃជាញឹកញាប់រៀងរាល់ពីរបីម៉ោងម្តង។  គួរបញ្ជាក់ផងដែរថា សាលាទាំងអស់មិនត្រូវបានអនុញ្ញាតឱ្យបើកម៉ាស៊ីនត្រជាក់នោះឡើយ។

រូបតំណាង

​ BMA ក៏បានលើកឡើងផងដែរអំពី​​មណ្ឌលថែទាំ​មនុស្សចាស់ជរានៅស្រុក Bang Khae ក្នុងតំបន់ Thon Buri នឹង​ត្រូវស្ថិតនៅក្រោមវិធានការទប់ស្កាត់មេរោគកូវីដ-១៩យ៉ាងតឹងរ៉ឹង។ បច្ចុប្បន្នមានមនុស្សចាស់ជរាចំនួន ១៣២នាក់ ដែលកំពុងរស់នៅក្នុងមណ្ឌលនោះ ហើយ BMA បានប្រកាសកាលពីថ្ងៃចន្ទថាសាច់ញាតិនឹង​មិនអនុញ្ញាតឱ្យទៅលេងនោះទេ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9353851