Sign In 
ក្រៅពីមានតម្លៃខុសគ្នាទៅតាមទីផ្សារហើយនោះ iPhone ដែលលក់នៅទីផ្សារខុសៗគ្នាក៏មានការកំណត់ពិសេសៗខុសគ្នាមួយចំនួន ដែលមនុស្សភាគច្រើនអាចមិនបានដឹង។
១. ប្រទេសចិន ៖ មានលេខកូដ CH/A គឺមិនមានមុខងារ FaceTime ជាសំឡេង
ចាប់តាំងពីជំនាន់ iPhone 5s/5c ពពួក iPhone ដែលលក់នៅប្រទេសចិនគឺមិនមានមុខងារ FaceTime ជាសំឡេងនោះទេ ហើយអ្នកប្រើប្រាស់ក៏មិនអាចទទួលការ FaceTime ជាសំឡេងពីប្រទេសក្រៅដែរ។ ប្រភពមួយចំនួននិយាយថា ក្រុមហ៊ុនទូរគមនាគមន៍ចិនដូចជា China Mobile, China Unicom និង China Telecom ជាហេតុផលនៅពីក្រោយរឿងនេះ ដោយសារការហៅចេញជាសំឡេងតាម FaceTime ឥតគិតលុយ អាចឲ្យចំណូលរបស់ពួកគេធ្លាក់ចុះ។
២. ប្រទេសកូរ៉េខាងត្បូង ៖ មានលេខកូដ KH/A មិនអាចបិទសំឡេងកាមេរ៉ា
ដើម្បីការពារសិទ្ធឯកជនរបស់ពលរដ្ឋពីការត្រូវគេលួចថតរូបភាព គ្រប់ឧបករណ៍ទាំងអស់តម្រូវឲ្យមានបើកសំឡេងពេលថតរូប ពោលគឺមិនអាចបិទសំឡេងបានឡើយ។
៣. ជប៉ុន ៖ មានលេខកូដ J/A មិនអាចបិទសំឡេងកាមេរ៉ា
ជប៉ុនក៏មានច្បាប់ដូចជាប្រទេសកូរ៉េខាងត្បូង ហើយមានតម្រូវឲ្យឧបករណ៍ថតរូបភាពទាំងអស់ត្រូវកំណត់សំឡេងពេលថតឲ្យខ្ពស់ជាង 65 dB។
៤. អឺរ៉ុប ៖ មានលេខកូដ EU/A កំណត់លើកម្រិតសំឡេង
iPhone លក់នៅក្នុងប្រទេសនៃសហភាពអឺរ៉ុបគឺសុទ្ធតែមានប៊ូតុងសម្រាប់កំណត់សំឡេងទៅតាមស្តង់ដាររបស់អឺរ៉ុប។ ប៊ូតុងនេះនឹងកំណត់សំឡេងដែលបញ្ចេញទៅ ឲ្យស្ថិតក្នុងកម្រិតសុវត្ថិភាពមួយដែលកំណត់ដោយសហភាពអឺរ៉ុប៕
