Sign In 
បើតាមរបាយការណ៍របស់ក្រសួងកសិកម្ម រុក្ខប្រមាញ់និងនេសាទ ក្នុងខែឧសភា ឆ្នាំ២០២០ បានធ្វើការបង្ហាញ ទៅលើការងារបង្កបង្កើនផលស្រូវរដូវវស្សា ដោយធ្វើការដាំដុះបានចំនួន៦៣៩ ១៥៨ហ.ត ស្មើនឹង២៤,៧០% នៃផែនការចំនួន ២ ៥៨៨ ១៣០ហ.ត។
របាយការណ៍ដដែលបានបញ្ជាក់ថា ចំពោះផលិតកម្មដំណាំស្រូវរដូវវស្សាវិញ គឺល្បឿនការងារបង្កបង្កើនផលដំណាំស្រូវវស្សា គិតត្រឹមថ្ងៃទី២៨ ខែឧសភា ឆ្នាំ២០២០មាន ផ្ទៃដីភ្ជួររាស់សម្រេចបានចំនួន ៨៤៧ ៤៨៤ហ.ត ក្នុងនោះភ្ជួររាស់ដោយគោ-ក្របីមានចំនួន ២ ២០២ហ.ត និង ដោយគ្រឿងយន្តមានចំនួន ៨៤៥ ២៨២ហ.ត លើសឆ្នាំមុនចំនួន៤៩១ ៣១២ហ.ត។
ដោយឡែក ផ្ទៃដីសាបសម្រេចបានចំនួន ៥៤៨ហ.ត លើសឆ្នាំមុន ៥៤៥ហ.ត រីឯផ្ទៃដីស្ទូង និងព្រោះសម្រេចបាន ចំនួន ៦៣៩ ១៥៨ហ.ត ស្មើនឹង២៤,៧០% នៃផែនការចំនួន ២ ៥៨៨ ១៣០ហ.ត លើសឆ្នាំមុនចំនួន ១៥៥ ១៥១ហ.ត៕ ដោយ៖ ឃួន លក្ខិណា
