Sign In 
រដ្ឋជាសមាជិក G20 បានត្រៀមមូលនិធិបម្រុង សម្រាប់ទប់ស្កាត់ការឆ្លងរីករាលដាលវីរុសកូវីដ១៩ រួមទាំង ការធ្វើរោគវិនិច្ឆ័យ ការចាក់វ៉ាក់សាំង ការព្យាបាល ហើយការស្រាវជ្រាវ និងការអភិវឌ្ឍន៍វ៉ាក់សាំងជាដើម។
យោងតាមសេចក្ដីថ្លែងការណ៍ បានចុះផ្សាយ នៅលើគេហទំព័រផ្លូវការ G20 នៅថ្ងៃទី៦ ខែមិថុនា បានឲ្យដឹងថា រដ្ឋជាសមាជិក G20 បានព្រមព្រៀងគ្នា ត្រៀមថវិកាបម្រុងជាង២១ពាន់លានដុល្លារ នៅក្នុងមូលនិធិសម្រាប់កិច្ចខិតខំប្រឹងប្រែង ទប់ស្កាត់ការឆ្លងរាតត្បាត នៃវីរុសកូរ៉ូណាប្រភេទថ្មី ឬកូវីដ១៩។ ដោយមានការអញ្ជើញពីបណ្ដាប្រទេជាច្រើនផងនោះ G20 បានសម្របសម្រួលកិច្ចខិតខំប្រឹងប្រែងរបស់ពិភពលោក ដើម្បីគាំទ្រដល់ការប្រយុទ្ធប្រឆាំងនឹងការឆ្លងរាតត្បាត នៃកូវីដ១៩។ ប៉ុន្ដែរហូតមដល់ពេលនេះ ប្រទេសជាសមាជិក G20 និងប្រទេសដែលត្រូវអញ្ជើញ បានបសន្យាផ្ដល់ថវិកា ជាង២១ពាន់លានដុល្លារ សម្រាប់ទ្រទ្រង់ដល់ការផ្ដល់មូលនិធិដល់អង្គការសុខភាពពិភពលោក។
ប្រភពព័ត៌មានដដែល បានបន្ដថា មូលនិធិទាំងនេះ នឹងត្រូវតៀមសម្រាប់គោលបំណង ទប់ស្កាត់ការឆ្លងរាតត្បាត នៃវីរុស រួមទាំង ការធ្វើរោគវិនិច្ឆ័យ ការចាក់វ៉ាក់សាំង ការព្យាបាល ហើយការស្រាវជ្រាវ និងការអភិវឌ្ឍវ៉ាក់សាំងផងដែរ។
បើយោងតាមស្ថិតិចុងក្រោយ បានឲ្យដឹងថា រហូតមកដល់ថ្ងៃទី៥ ខែមិថុនា ឆ្នាំ២០២០ នៅលើពិភពលោក មានអ្នកឆ្លងកូវីដ១៩ ចំនួន ៦ ៧១៤ ៣០០នាក់ និងស្លាប់ជាង ៣៩៣ ៤០០នាក់៕ ប្រែសម្រួលដោយ Nuon
