នៅថ្ងៃសៅរ៍នេះរដ្ឋាភិបាលថៃបានរាយការណ៍ថា ប្រទេសថៃមិនមាន​ករណីថ្មីនៃអ្នកឆ្លងមេរោគកូវីដ១៩ទេ ហើយក៏មិនមានអ្នកស្លាប់ថ្មីដែរ ​ធ្វើឱ្យអ្នកជំងឺសរុបក្នុងប្រទេសនៅរក្សាចំនួន​ ៣ ៣៧៦នាក់ ​និងមានអ្នកស្លាប់ចំនួន ៥៨នាក់ដដែល​។

មជ្ឈមណ្ឌល​រដ្ឋបាលគ្រប់គ្រងស្ថានភាព​មេរោគកូវីដ១៩បានប្រកាស​នៅថ្ងៃសៅរ៍នេះថា ​ក្នុងចំណោមអ្នក​ជំងឺទាំង ៣ ១៩៣​ មានអ្នកជាសះស្បើយចំនួន ៩៤.៦% ​និងបន្សល់អ្នកជំងឺ ១២៥ នាក់ កំពុងសម្រាកព្យាបាល​ក្នុងមន្ទីរពេទ្យ។

​​នៅទូទាំងពិភពលោក​មានអ្នកឆ្លងមេរោគកូវីដ១៩សរុបចំនួន ២១.៣លាននាក់ និងមាន​អ្នកស្លាប់​សរុបចំនួន ៧៦៣ ០៦៤នាក់។ សហរដ្ឋអាមេរិកមាន​អ្នកឆ្លងច្រើនបំផុតគឺ ៥.៤៧លាននាក់។

ប្រទេសប្រេស៊ីលជាប់ចំណាត់ថ្នាក់ទី ២ ដែលមានអ្នកឆ្លងជំងឺសរុបចំនួន ៣.៣លាន​នាក់។

ប្រទេសឥណ្ឌាស្ថិតនៅលំដាប់ទី ៣ ដែលមានអ្នកឆ្លងសរុបចំនួន ២.៥លាននាក់។

មជ្ឈមណ្ឌលរដ្ឋបាលគ្រប់គ្រងមេរោគកូវីដ១៩បានមានប្រសាសន៍ថា ប្រទេសថៃជាប់ចំណាត់ថ្នាក់ទី ១១៤ ​ក្នុងចំណោមប្រទេសដែលឆ្លងមេរោគកូវីដ១៩ទូទាំងពិភពលោក៕

កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9591313